Hæ! Hvernig getum við aðstoðað?

Aðstöðumál Glímufélagsins Ármanns og Ungmennafélagsins Fjölnis verða tekin til endurskoðunar og hefur borgarráð samþykkt tillögur starfshópa um bætta aðstöðu félaganna til skamms tíma. Þá var umboð starfshópa endurnýjað til að rýna málefni þeirra til framtíðar.

Margir taka fram hjólið í maí og fleiri hjóla til vinnu, skóla og í frístundir. Á sama tíma eru hestar og knapar einnig á ferð innan borgarmarkanna, einkum í nágrenni hesthúsahverfa og á reiðleiðum borgarinnar. Þar geta ólíkir ferðamátar mæst og mikilvægt er að allir vegfarendur sýni tillitssemi og varúð.

Skráningar í Vinnuskóla Reykjavíkur eru þegar orðnar 3300, núna 8. maí, en það er met á þessum tíma. Starfsfólk Vinnuskólans er um þessar mundir að raða nemendum í hópa eftir aldri og búsetu.

Borgarráð hefur samþykkt innleiðingu og áframhaldandi útfærslu tillagna sem miða að því að efla forvarnir og aðgerðir gegn ofbeldi meðal barna og ungmenna í Reykjavík. Tillögurnar koma úr skýrslu stýrihóps um forvarnir og aðgerðir, útgefinni í nóvember 2025 og höfðu áður farið fyrir skóla- og frístundaráð.