Fréttir
Ákveðið hefur verið að veita tímabundið leyfi til götu- og torgsölu í Reykjavík en borgaryfirvöld hyggjast fara yfir þær reglur sem eru fyrirliggjandi varðandi leyfisveitingar ásamt því að móta stefnu til framtíðar. Stefnt er að því að ljúka þeirri vinnu fyrir lok septembermánaðar.
Allskyns litskrúðugir munir hafa undanfarið dúkkað upp í Austurstrætinu eins og vegfarendur þar hafa margir tekið eftir. Það eru sex nemar í arkitektúr frá Listaháskóla Íslands sem eiga heiðurinn af verkunum en saman kalla þeir sig Betristofu borgarinnar.
Starfsfólk Reykjavíkurborgar getur fengið skattkortin send heim með því að senda nafn, heimilisfang og kennitölu á netfangið upplysingar@reykjavik.is og mun skattkortið berast viðkomandi eftir 2-4 daga. Einnig er hægt að hringja í 411 11 11 og óska eftir að fá skattkortið sent.
Sýning á verkum danska ljósmyndarans Anne Marie Sørensen opnar í Ljósmyndasafni Reykjavíkur þann 29. júlí og stendur til 21. september.. Sýningin, sem kallast Blue Formations,fjallar um vatnið, hraunið og vindinn sem hreyfir við náttúruöflunum.