Fjölmenningardagurinn haldinn hátíðlegur 15. maí 2010
11.05.2010
Fjölmenningardagurinn var haldinn í fyrsta sinn í maí á síðasta ári og heppnaðist frábærlega vel, og ákveðið hefur verið að hátíðin verði árviss viðburður.
Dagurinn var skipulagður af mannréttindaskrifstofu Reykjavíkurborgar í samstarfi við Samtökin Samhljómur menningarheima. Hátíðin hófst á fjölþjóðlegri skrúðgöngu þar sem gengið var frá Hallgrímskirkju niður að Ráðhúsi Reykjavíkur. Í kjölfarið var haldin fjölþjóðleg hátíð í Ráðhúsinu og Iðnó þar sem boðið var upp á skemmtiatriði með söng, hljóðfæraleik, dansi frá fjölmörgum þjóðlöndum. Einnig var haldinn markaður þar sem kynntar voru og seldar vörur frá hinum ýmsu löndum.
Dagskrá í Ráðhúsi og Iðnó sem pdf-skjal.