Leikskólinn Hálsaborg 30 ára
16.06.2010
Upplestur á frétt 
Miðvikudaginn 16. júní fagnar leikskólinn Hálsaborg 30 ára afmæli sínu, en hann tók til starfa að Hálsaseli 27 í desember árið 1980.
Börn, starfsfólk og foreldrar hóf afmælishátíðina snemma dags, eða kl. 10:30, þegar börnin á fimm leikskólum í Seljahverfi hituðu upp undir þjóðhátíðardaginn og fóru í sína árlegu skrúðgöngu í Seljahverfi. Börnin gengu fylktu liði að dvalarheimilinu Seljahlíð þar sem kynslóðir mættust og tóku lagið.
Að lokinni skrúðgöngu kl. 11:30 hófst sjálf afmælisveislan í leikskólanum með lúðrablæstri, söng og veitingum. Þá kom Íþróttaálfurinn í heimsókn og nýtt merki Hálsaborgar var kynnt og fáni með merkinu var dreginn að húni.
Hálsaborg er þriggja deilda leikskóli í Seljahverfi sem starfar m.a. eftir kenningum Berit Bae um samskipti. Virðing, vinátta og sjálfræði eru lykilhugtök í starfinu.