Framkvæmdagleði í Reykjavík
16.06.2009
Eftir að gengið var frá framkvæmdaláni til Reykjavíkurborgar hefur verið unnið að því hörðum höndum að hanna og bjóða út verkefni sem áætlað er að vinna í ár. Um liðna helgi voru byggingarframkvæmdir við leik- og grunnskóla í Úlfarsárdal boðnar út og áður höfðu jarðvegsframkvæmdir við skólann verið boðnar út og eru þær framkvæmdir þegar hafnar.
Ámundi Brynjólfsson, skrifstofustjóri mannvirkjastofu Framkvæmda- og eignasviðs, segir að mikil áhersla sé á að bjóða verk út þannig að sumarið nýtist sem best. Á næstunni verða m.a. boðin út verkefni tengd frágangi í nýjum hverfum og ræktun. Það eru verkefni í Úlfarsárdal og Norðlingaholti, auk nokkurra smærri verkefna sem tengjast frágangi gönguleiða.
Um heildarmyndina má einnig sjá nánar í eldri frétt >>>
Í eftirfarandi töflu má sjá yfirlit yfir þau verk sem nú eru í útboði og verk sem verða boðin út á næstunni vegna nýframkvæmda:
| Útboðsverk |
Áætluð birting auglýsingar |
Áætluð opnun útboðs |
| Leik- og grunnskóli í Úlfarsárdal |
|
2. júlí |
| Ýmsar smærri endurbætur á gatnamótum, útboð I |
|
1. júlí |
| Ýmsar smærri endurbætur á gatnamótum, útboð II |
|
30. júní |
| Boltagerði við Árbæjarskóla |
|
19. júní |
| Háskólinn í Reykjavík, gatnagerð og lagnir. 4. áf. |
|
18. júní |
Kringlumýrarbraut – Suðurlandsbraut
Endurbætur á gatnamótum |
21. júní |
7. júlí |
| Norðlingaholt, ræktun og frágangur |
21. júní |
7. júlí |
| Gönguleiðir og ræktun 2009 |
21. júní |
8. júlí |
Kringlumýrarbraut – Borgartún
Endurbætur á gatnamótum |
28. júní |
í júlí |
| Úlfarsárdalur, heimreiðar, gönguleiðir og ræktun |
21. júní |
8. júlí |
Hjá Reykjavíkurborg er staðið að útboðum samkvæmt innkaupareglum Reykjavíkurborgar til að tryggja að allir sitji við sama borð og sér innkaupaskrifstofa borgarinnar um útboð fyrir hönd Framkvæmda- og eignasviðs.
Útboð hjá innkaupaskrifstofu >>>