"Ég vildi ég ætti heima hérna"

27.08.2010

Upplestur á frétt 

• 1

Börnin í Klébergsskóla njóta síðsumars og eru hér að borða nestið sitt út í náttúrunni á Kjalarnesi.

• Senda
• Prenta
• Senda á Facebook

Fyrsti skóladagurinn á þessu hausti fór vel af stað í Klébergsskóla og voru nemendur ánægðir að mæta aftur í skólann. Einn af yngri nemendunum hafði þetta á orði í miðri kennslustund í textílmennt: „Það er svo gaman í skólanum að ég vildi að ég ætti heima hérna".

Nemendur hafa yfirleitt verið mjög ánægðir með matinn í mötuneyti skólans, m.a. brauðið sem bakað er á staðnum. Einn af eldri nemendunum heyrðist lýsa því yfir um daginn að þetta væri besta brauð sem hann hefði smakkað – og félagi hans bætti þá við: "Ég er búinn að bíða eftir þessu brauði í allt sumar!"