Dagforeldrar í Breiðholti

Upplýsingar um daggæslu í heimahúsum
Katrín Sigfríður Jóhannsdóttir er daggæsluráðgjafi í Þjónustumiðstöð Breiðholts. Hún metur umsóknir um leyfi til daggæslu og sér um ráðgjöf og stuðning við dagforeldra í Breiðholti. Upplýsingar koma fram hér á síðunni um laus pláss við nöfn viðkomandi dagforeldra.

Bæklingur um daggæslu í heimahúsum 

Leikskólasvið Reykjavíkur veitir starfsleyfi til dagforeldra og sinnir lögbundnu eftirliti með þeirri starfsemi eins og kveðið er á um í reglugerð félagsmálaráðuneytisins nr. 907 / 2005.  Eftirlit með dagforeldrum felst í reglubundnum heimsóknum, a.m.k. þrisvar á ári samkvæmt reglugerð.

Athygli er vakin á því að þrátt fyrir reglubundið eftirlit með starfsemi dagforeldra hafa foreldrar yfirleitt besta aðstöðu til að fylgjast með starfsemi þeirra þar sem þeir eru í daglegu sambandi við þá. Ef óánægja kemur upp hjá foreldrum með umönnun eða aðbúnað barns eru þeir hvattir til að taka málið upp við dagforeldrið. Ef það ber ekki árangur er hægt að hafa samband við daggæsluráðgjafa á þjónustumiðstöð og leita eftir ráðgjöf eða leggja fram kvörtun.

Það skal tekið fram að dagforeldrar eru sjálfstætt starfandi og ákvarða sína gjaldskrá sjálfir. Margir dagforeldrar gera skriflegan vistunarsamning við foreldra þar sem kveðið er á um ýmis atriði varðandi starfsemina. 

Hagsmunafélög dagforeldra í Reykjavík eru tvö en þar er ekki félagaskylda.

 Barnavistun  og  Barnið

Síðan var síðast uppfærð í janúar 2012