Í samræmi við 25. gr. skipulags- og byggingarlaga nr. 73/1997, með síðari breytingum, er hér með auglýst tillaga að breytingu á deiliskipulagi í Reykjavík.

Tunguvegur 19

Tillaga að breytingu á deiliskipulagi Sogavegar vegna lóðarinnar að Tunguvegi 19. Í breytingunni felst að byggingareitur er gerður á norðurhluta lóðar auk byggingareits fyrir svalir. Heimilt verði að byggja á tveimur hæðum. Fyrirkomulag bílastæða við götu er breytt og gert ráð fyrir tíu almenningsstæðum og kvöð gerð um að tvö bílastæði verði inni á lóð.

Nánar um tillöguna vísast til kynningargagna.

Deiliskipulagstillagan : (PDF)

Tillagan liggur frammi í þjónustuveri Reykjavíkurborgar að Borgartúni 12-14, 1. hæð, virka daga kl. 8:20 – 16:15, frá19. maí 2010 til og með 1. júlí 2010. Einnig má sjá tillöguna á heimasíðu sviðsins, www.skipbygg.is.Eru þeir sem telja sig eiga hagsmuna að gæta hvattir til að kynna sér tillöguna.Ábendingum og athugasemdum við tillöguna skal skila skriflega eða á netfangið skipulag@rvk.is, til skipulags- og byggingarsviðs eigi síðar en 1. júlí 2010.Vinsamlegast notið uppgefið netfang fyrir innsendar athugasemdir með tölvupósti.Þeir sem eigi gera athugasemdir innan tilskilins frests, teljast samþykkja tillöguna.

Reykjavík, 14. maí 2010Skipulagsstjóri Reykjavíkur