Á embættisafgreiðslufundi skipulagsstjóra 25. júní 2010 var lögð fram tillaga um breytingu á deiliskipulagi Foldahverfis, áfanga 6 vegna lóðarinnar nr. 49 við Logafold. Í breytingunni felst að útgrafinn kjallari er tekinn í notkun sem hluti íbúðar, samkvæmt meðfylgjandi uppdrætti VA Arkitekta dags. 23. júní 2010.

Deiliskipulagstillagan (PDF)

Með vísan til 7. mgr. 43. gr. laga nr. 73/1997 er eftirtöldum hagsmunaaðilum gefinn kostur á að tjá sig um tillöguna:

Húseigendum að Logafold 47 og 51.

Bent skal á að leigutakar húsnæðis á ofangreindum lóðum teljast einnig til hagsmunaaðila og skulu húseigendur kynna tillöguna fyrir þeim.

Nánari upplýsingar eru veittar hjá Skipulags- og byggingarsviði, verkefnisstjóri er Guðfinna Ósk Erlingsdóttir, símatími þriðjudaga og föstudaga milli kl 9 og 10.

Kynning hefst þann 7. júlí nk. og skal athugasemdum við ofanskráða tillögu komið til skipulagsstjóra skriflega eða á netfangið skipulag@rvk.is eigi síðar en 5. ágúst 2010.

Þeir sem ekki gera athugasemd við tillöguna teljast samþykkja hana.

F.h. skipulagsstjóra

Guðfinna Ósk Erlingsdóttir