Fyrsti íþróttaklúbburinn stofnaður í Breiðholti
23.01.2008
Upplestur á frétt 
Að frumkvæði Þjónustumiðstöðvar Breiðholts, í samstarfi við Frístundamiðstöðina Miðberg, Knattspyrnusamband Íslands, Íþróttafélag Reykjavíkur (ÍR) og Leikni, hefur nú verið stofnaður fyrsti íþróttaklúbburinn i Breiðholti. Markmið með þessu klúbbastarfi er að ná til krakka sem taka lítinn eða engan þátt í skipulögðu íþróttastarfi íþróttafélaganna. Æfingar fara fram á gervigrasvelli Leiknis í Efra-Breiðholti og á ÍR vellinum við Skógarhlíð. Hópstjóri íþróttaklúbbsins verður Björn Bjartmarz, knattspyrnuþjálfari og hverfislögreglumaður í Breiðholti. Fyrsti tíminn verður mánudaginn 28. janúar nk. Meðfylgjandi auglýsingu verður dreift til nemenda grunnskólanna í Breiðholti.
