Starfsmatsferlið
Starfsmenn sem fara í starfsmatsviðtal
Fulltrúar eru valdir með tilliti til aldurs, kyns og starfsreynslu, þannig að þeir endurspegli sem best þann starfsmannahóp sem þeir eru fulltrúar fyrir. Starfsmenn þurfa að hafa starfað í viðkomandi starfi í 6 mánuði eða lengur til þess að veljast sem fulltrúar í starfsmatsviðtal.
Þegar starfsmaður er valinn til þess að taka þátt er hann boðaður á kynningarfund ásamt sínum næsta yfirmanni þar sem farið er vandlega yfir hugmyndafræði starfsmatsins og framkvæmd þess. Á fundinum er einnig kynntur spurningalisti sem starfsmaðurinn fær í hendur og hann þarf að fylla út áður en hann kemur í starfsmatsviðtalið.
Við mat á starfi er unnið úr þeim upplýsingum sem liggja fyrir um starfið. Þessar upplýsingar byggja m.a. á starfsmatsviðtali, útfylltum spurningalista starfsmats, og starfslýsingu. Áhersla er lögð á að allar þessar upplýsingar gefi sem réttasta mynd af viðkomandi starfi. Þar af leiðandi er mikilvægt að starfslýsing sé yfirfarin og samþykkt af starfsmannastjóra viðkomandi sviðs.
Úrtaks- og vinnureglur vegna viðtala.
Ferli við mat á nýju starfi.
Ferli við endurmat á starfi.