Starfsyfirlit
Starfsyfirlit er texti sem starfsmatskerfið SAMSTARF setur saman miðað við svör starfsmanna í starfsmatsviðtölum. Textinn felur í sér stutta lýsingu á þeim kröfum sem gerðar eru til starfsmanns í viðkomandi starfi.
Á þessari síðu er að finna starfsyfirlit þeirra starfa sem eru í notkun og hafa verið metin með starfsmatskerfinu SAMSTARF. Starfsyfirlitin eru flokkuð eftir sviðum Reykjavíkurborgar. Til þess að sjá öll starfsyfirlit hvers sviðs fyrir sig skal smella á tengil viðkomandi stofnunar hér til hliðar.
Athugið að gerðar hafa verið breytingar á samsetningu starfsheita þannig að skammstafanir sviða og stéttarfélagsnúmer hafa verið sett framan við starfsheitin sem dæmi: matreiðslumaður á leikskólasviði verður LSR6100matreiðslumaður.
Ef ekki finnast þau starfsyfirlit sem leitað er að þá vinsamlega sendið beiðni á starfsmat@reykjavik.is.