Fréttir

09.12.2008

Nýjar fréttir af sameiningarferlinu

Í ljósi sameiningu félagslegrar heimaþjónustu og heimahjúkrunar hefur stjórnskipulagi félagslegrar heimaþjónustu verið breytt og var nýtt skipurit Velferðarsviðs samþykkt í borgarráði þann 16. október 2008.  Við breytingar á skipulagi heimaþjónustu á Velferðarsviði ,sem munu taka gildi frá og með 1.mars 2009, verða störf deildarstjóra í heimaþjónustu lögð niður en um leið verða ný störf teymisstjóra til og ber að líta svo á að um uppfærslu innan starfsgreinarinnar eða á hliðstæðum starfsgreinum sé að ræða. Gert er ráð fyrir að umsóknarferli um störf teymisstjóra verði lokið þann 15. desember 2008. Teymi í félagslegri heimaþjónustu verða 12 talsins ef frá eru taldir þjónustuíbúðakjarnar.

Einnig hefur verið tekin sú ákvörðun að Heimaþjónusta Reykjavíkur verði til húsa að Álfabakka 16, Breiðholti (Mjóddin).