Fréttir

12.01.2009

Pistill frá sviðsstjóra Velferðarsviðs

Þann 30. desember s.l. skrifuðu borgarstjóri og heilbrigðisráðherra undir þjónustusamning þar sem Reykjavíkurborg tekur að sér frá og með 1.janúar 2009 að reka heimahjúkrun í Reykjavík og sameina hana rekstri félagslegrar heimaþjónustu í Reykjavík í þjónustukerfi sem myndar samhæfða heild gagnvart notanda. Verkefnið er tilraunaverkefni til þriggja ára.

Verkefnið nær einnig til reksturs heimahjúkrunar á Seltjarnarnesi allan sólarhringinn, kvöld og næturþjónustu í Mosfellsbæ og næturþjónustu í Kópavogi, Garðabæ og Hafnarfirði.

Þjónustusamningurinn var samþykktur í borgarráði 5. janúar s.l.

Í október s.l. voru samþykktar í velferðarráði og borgarráði þær breytingar á skipuriti Velferðarsviðs að ný skipulagseining verður til sem heyrir beint undir sviðsstjóra - Heimaþjónusta Reykjavíkur.

Berglind Magnúsdóttir, öldrunarsálfræðingur hefur verið ráðin yfirmaður Heimaþjónustu Reykjavíkur og kemur hún til starfa 20. janúar n.k. , Berglind verður staðsett á Miðstöð heimahjúkrunar í Mjódd.

Með heimahjúkrun flytja 115 starfsmenn frá ríkinu til Velferðarsviðs Reykjavíkurborgar, um 1000 heimili njóta heimahjúkrunar að jafnaði.

Með kveðju,
Stella Kr. Víðisdóttir, sviðsstjóri