Hvað gerist við yfirfærslu málefna fatlaðra frá ríki til Reykjavíkurborgar?

Þjónusta sem nú er veitt af Svæðisskrifstofu málefna fatlaðra í Reykjavík færist til Reykjavíkurborgar.

Starfsmenn Svæðisskrifstofunnar flytjast á starfseiningar Reykjavíkurborgar eftir eðli verkefna sinna.

Þessi þjónusta flyst til Reykjavíkurborgar:

• Sambýli
• Áfangastaðir
• Frekari liðveisla í þjónustu – og íbúðakjörnum
• Frekari liðveisla í sjálfstæðri búsetu
• Dagþjónusta sem ekki fellur undir vinnumál
• Heimili fyrir börn
• Skammtímavistun barna
• Stuðningsfjölskyldur
• Ráðgjöf og önnur stuðningsþjónusta við fatlaða og fjölskyldur þeirra þar meðtaldir styrkir til náms og tækjakaupa 
• Ekki liggur fyrir ákvörðun um hvað verður með atvinnumál fatlaðra en til stóð að flytja þau undir Vinnumálastofnun.

Fjármögnun þjónustu við fatlaða færist til Reykjavíkurborgar.

Í Reykjavík eru nokkrir þjónustuaðilar sem veita fötluðu fólki þjónustu á sviði búsetu, dagþjónustu og atvinnumála:

• Í Reykjavík rekur Ás styrktarfélag viðamikla þjónustu fyrir fatlað fólk, bæði búsetu og  atvinnu- og dagþjónustu og dagþjónustu fyrir börn. 
• Blindrafélagið, Múlalundur og Öryrkjabandalag Íslands reka verndaða vinnustaði fyrir fatlað fólk. 
• Reykjavíkurborg rekur þjónustukjarna fyrir fatlaða, skammtímavistun og lengda viðveru fyrir börn.

Fjármagn með þjónustu þessara aðila flyst til Reykjavíkurborgar . Núgildandi þjónustusamningar falla úr gildi 31. desember 2010 og verður það hlutverk Reykjavíkurborgar að semja á nýjan leik um veitingu þjónustunnar.

Hvað gerist ekki?

• Almannatryggingar verða áfram á hendi Tryggingastofnunar ríkisins.
• Hjálpartækjamiðstöð verður áfram rekin af Tryggingastofnun ríkisins.
• Þjónusta sjálfseignarstofnana eins og Áss styrktarfélags flyst ekki til sveitarfélagsins, bara fjármagnið sem veitt er til þjónustu við fatlaða.
• Tölvumiðstöð fatlaðra verður óbreytt.

Kostir við flutning þjónustu við fatlað fólk frá ríki til Reykjavíkurborgar:

• Þjónusta við fatlað fólk verður veitt af einum þjónustuaðila.
• Heildstæð þjónusta fyrir fatlað fólk.
• Þjónustuúrræði á einum stað sem tengjast ráðgjöf og stuðning búsetu og dagþjónustu fyrir fatlað fólk.
• Samþætt þjónusta fyrir fatlað fólk og aðstandendur þeirra þannig að fjölskyldur geti leitað á einn stað eftir þjónustu
• Samþætt við leik- og grunnskóla, liðveislu og félagslega heimaþjónustu.
• Einfalt þjónustukerfi. 
• Aukið vægi á þjónustu inn á heimili fólks.
• Nýjar lausnir í þjónustu við fatlað fólk.