Þjónustumiðstöðvar

Opnunartími þjónustumiðstöðvanna er 8:20-16:00

Þjónustumiðstöð Árbæjar og Grafarholts:

Þjónustumiðstöð fyrir íbúa Árbæjar og Grafarholts er að Hraunbæ 115, sími 411-1200.

Þjónustumiðstöð Breiðholts:

Þjónustumiðstöð fyrir íbúa Breiðholts er í Álfabakka 12, sími 411-1300.

Þjónustumiðstöð Grafarvogs og Kjalarness, Miðgarður:

Þjónustumiðstöð fyrir íbúa í Grafarvogi og á Kjalarnesi (Miðgarður) er að Gylfaflöt 5, sími 411-1400

Þjónustumiðstöð Laugardals og Háaleitis:

Þjónustumiðstöð fyrir íbúa Laugardals- og Háaleitis er að Síðumúla 39, sími 411-1500.

Þjónustumiðstöð Miðborgar og Hlíða:

Þjónustumiðstöð fyrir íbúa Miðborgar og Hlíða er að Skúlagötu 21, sími 411-1600.

Þjónustumiðstöð Vesturbæjar, Vesturgarður:

Þjónustumiðstöð fyrir íbúa Vesturbæjar (Vesturgarður), er að Hjarðarhaga 45-47, sími 411-1700.

Alhliða upplýsingamiðlun. Á þjónustumiðstöðvunum er alhliða upplýsingamiðlun um þjónustu Reykjavíkurborgar. Hægt er að skila öllum umsóknum um þjónustu borgarinnar til miðstöðvanna sem bera ábyrgð á því að koma þeim í réttar hendur innan borgarkerfisins.

Daggæsla í heimahúsum. Daggæsluráðgjafi gefur foreldrum upplýsingar um dagforeldra í Reykjavík, veitir þeim ráðgjöf og tekur á móti umsóknum um niðurgreiðslu. Hlutverk hans er einnig að meta umsóknir um leyfi til daggæslu.

Innritun í leikskóla. Tekið er á móti umsóknum um leikskólapláss fyrir börn og veittar upplýsingar um biðlista.

Félagsleg ráðgjöf. Fagfólk veitir einstaklingum og fjölskyldum ráðgjöf, svo sem vegna uppeldis barna og unglinga, fjárhagsvanda, veikinda, fötlunar, öldrunar og vímuefnamála svo dæmi séu nefnd.

Fjárhagsaðstoð. Einstaklingar og fjölskyldur með mánaðartekjur undir ákveðnu marki geta sótt um fjárhagsaðstoð. Aðstoðin getur verið í formi láns eða styrks eftir atvikum.

Frístundir og félagsstarf. Á vegum þjónustumiðstöðvanna er félagsstarf fyrir fullorðna í boði víðsvegar um Reykjavík. Veittar eru upplýsingar um félagsstarfið og annað frístundastarf í hverfum borgarinnar.

Heimaþjónusta. Þeir sem búa í heimahúsum og þurfa aðstoð við heimilishald svo sem vegna veikinda eða fötlunar eiga rétt á heimaþjónustu.

Hverfastarf. Til að auðga mannlíf og menningu í hverfum borgarinnar leggur starfsfólk þjónustumiðstöðva á það áherslu að styrkja hvers kyns hverfastarf í samvinnu við íbúa, félagasamtök og aðra þá sem vilja láta til sín taka. Stuðningur getur verið í ýmsu formi svo sem þátttöku starfsmanna og nýtingu húsnæðis þjónustumiðstöðvanna.

Húsaleigubætur. Leigjendur íbúðarhúsnæðis eiga rétt á húsaleigubótum að uppfylltum skilyrðum, meðal annars um leigusamning og tekjur. Sérstakar húsaleigubætur eru fjárstuðningur til greiðslu húsaleigu á almennum markaði, umfram almennar húsaleigubætur og eru ætlaðar þeim sem búa við mjög erfiðar félags- og fjárhagslegar aðstæður.

Húsnæði. Tekið er á móti umsókum um félagslegt leiguhúsnæði, þjónustuíbúðir fyrir aldraða, hjúkrunar- og dvalarrými og sértæk búsetuúrræði. Úthlutun húsnæðis er byggð á mati á aðstæðum umsækjenda.

Skóla- og sérfræðiþjónusta. Sérfræðingar þjónustumiðstöðva veita stjórnendum og starfsfólki í leik- og grunnskólum ráðgjöf, og fræðslu. Einnig gera þeir sálfræðilegar athuganir á nemendum, til dæmis vegna gruns um þroskafrávik. Jafnframt er unnið að margskonar skólaþróunarverkefnum.

Ýmis stuðningur. Þjónustumiðstöðvar bjóða upp á ýmis fleiri úrræði, allt eftir aðstæðum þeirra sem þangað leita. Má þar nefna liðveislu, tilsjón, stuðningsfjölskyldur, unglingasmiðjur, heimsendingu matar, hvíldarinnlagnir, dagvistun fyrir aldraða og fleira.