Fjölskyldur sem taka á móti barni eða börnum til sólarhringsvistunar á heimili sínu með það að markmiði að styðja foreldra í uppeldishlutverki sínu, veita þeim hvíld og eða styrkja stuðningsnet hlutaðeigandi barns eftir því sem við á. Ætíð er um tímabundinn stuðning að ræða. Frekari upplýsingar veita félagsráðgjafar Þjónustumiðstöðvar Breiðholts.

Hlutverk persónulegs ráðgjafa felst meðal annars í að veita barni ráðgjöf og stuðning í þeim tilgangi að styrkja það félagslega, siðferðilega og tilfinningarlega svo sem í sambandi við vinnu, menntun og tómstundir. Ætíð er um tímabundinn stuðning að ræða. Frekari upplýsingar veita félagsráðgjafar Þjónustumiðstöðvar Breiðholts.

Hlutverk tilsjónarmanns er fyrst og fremst fólgið í því að aðstoða foreldra við að sinna forsjár og uppeldisskyldu sinni sem best hentar hag og þörfum barns. Ætíð er um tímabundinn stuðning að ræða. Frekari upplýsingar veita félagsráðgjafar Þjónustumiðstöðvar Breiðholts.

Persónulegur stuðningur og aðstoð við fatlaða sem einkum miðar að því að rjúfa félagslega einangrun, t.d. með aðstoð við að njóta félags- og menningarlífs. Ætíð er um tímabundinn stuðning að ræða. Frekari upplýsingar veita félagsráðgjafar Þjónustumiðstöðvar Breiðholts.

Foreldrar fá ráðgjöf og fræðslu á heimilum sínum um árangursríkt uppeldi frá uppeldismenntuðum ráðgjöfum. Foreldrar og ráðgjafar gera með sér samning þar sem fram kemur hvaða stuðning fjölskyldan telur sig þurfa til að ná settum markmiðum. Fjölskyldan er heimsótt einu sinni til þrisvar í viku í allt að tvær klukkustundir í senn. Ráðgjöfin stendur yfir í fjórar til átta vikur. Sótt er um hjá félagsráðgjöfum Þjónustumiðstöðvar Breiðholts sem jafnframt veita frekari upplýsingar.

Starfrækt eru þrjú heimili með það að markmiði að bjóða unglingum sem þess þurfa búsetu með stuðningi. Á hverju heimili búa tvö ungmenni á aldrinum 16-19 ára ásamt umsjónarmanni. Gert er ráð fyrir að þau ungmenni sem þar búa séu annaðhvort í námi eða vinnu. Frekari upplýsingar veita félagsráðgjafar Þjónustumiðstöðvar Breiðholts.

Unglingasmiðjurnar eru tvær, á Amtmannsstíg 5A (Stígur) og í Keilufelli 5 (Tröð). Þær eru ætlaðar unglingum 13-16 ára. Í unglingasmiðjunum fer fram hópastarf tvö til þrjú kvöld í viku frá kl. 17 til 22. Markmið starfsins er að leita uppbyggjandi lausna með unglingunum, styðja jákvæð félagsleg samskipti og stuðla að jákvæðari sjálfsmynd þeirra. Sótt er um hjá félagsráðgjöfum Þjónustumiðstöðvar Breiðholts.

Félagsleg heimaþjónusta er fyrir þá sem búa í heimahúsum og geta ekki annast heimilishald eða persónulega umhirðu hjálparlaust. Þjónustan er fyrir alla aldurshópa. Almenn þjónusta er veitt á daginn en hægt er að sækja um innlit eða styttri viðveru á kvöldin og um helgar ef þörf er á. Þjónustan er margbreytileg og reynt er að mæta þörfum hvers og eins. Félagslegur stuðningur, hvatning og samvera eru mikilvægir þættir í starfinu. Jafnframt aðstoðar starfsfólk félagslegrar heimaþjónustu við almenn heimilisstörf. Starfsfólkið vinnur í nánu samstarfi við starfsfólk heimahjúkrunar þegar við á með það að markmiði að samþætta þjónustuna og veita betri þjónustu. Sótt er um hjá matsfulltrúa Þjónustumiðstöðvar Breiðholts.

• Sjá nánar Reglur um félagslega heimaþjónustu

Lífeyriþegar sem geta ekki eldað sjálfir um skemmri eða lengri tíma geta sótt um að fá heimsendan mat eða keypt mat á þjónustumiðstöð sem greitt er fyrir skv. gildandi gjaldskrá. Sótt er um hjá matsfulltrúa Þjónustumiðstöðvar Breiðholts.

• Sjá nánar Reglur um félagslega heimaþjónustu

Akstursþjónusta eldri borgara er fyrir þá íbúa Reykjavíkur sem eru 67 ára eða eldri, búa sjálfstætt og eru ófærir um að nota almenningssamgöngur vegna langvarandi hreyfihömlunar og hafa ekki aðgang að eigin farartæki. Sótt er um hjá félagsráðgjafa Þjónustumiðstöðvar Breiðholts.

• Sjá nánar Reglur um akstursþjónustu eldri borgara

Ferðaþjónusta fatlaðra er ætluð til afnota fyrir þá íbúa Reykjavíkur sem eru:

1. Hjólastólanotendur.
2. Blindir og geta eigi notað önnur farartæki.
3. Ófærir um að nota almenningsvagnaþjónustu vegna annarrar langvarandi fötlunar og hafa ekki aðgang að eigin farartæki.

Þeir sem hafa fengið styrk til bifreiðakaupa frá Tryggingastofnun ríkisins og þeir sem njóta bensínstyrks skulu alla jafna ekki njóta réttar til ferðaþjónustu samkvæmt reglum þessum. Skilyrði er að fötlun umsækjanda falli að skilgreiningu laga um málefni fatlaðra nr. 59/1992. Sótt er um hjá félagsráðgjafa Þjónustumiðstöðvar Breiðholts.

• Sjá nánar í Reglur um ferðaþjónustu fatlaðra

Heimilið er ætlað 4 börnum til búsetu til lengri eða skemmri tíma þar sem þeim eru búin traust og örugg uppeldisskilyrði. Frekari upplýsingar veita félagsráðgjafar Þjónustumiðstöðvar Breiðholts.

Er ætlað fjórum unglingum á aldrinum frá 13-18 ára sem af einhverjum ástæðum geta ekki búið hjá fjölskyldu sinni. Á heimilinu búa hjón með tvö börn allt árið um kring og sjá um að skapa heimilislegt andrúmsloft ásamt unglingunum. Leitast er við að efla og bæta samskipti unglinganna við fjölskyldur sínar. Náin samvinna er við aðstandendur allan dvalartímann sem er að jafnaði eitt til tvö ár. Frekari upplýsingar veita félagsráðgjafar Þjónustumiðstöðvar Breiðholts.

Einkaheimili starfar fyrir Barnavernd Reykjavíkur og tekur að sér börn í tímabundna vistun, oft með litlum eða engum fyrirvara. Gert er ráð fyrir að einkaheimili taki við börnum sem vistast í samráði/sátt við foreldra. Frekari upplýsingar veita félagsráðgjafar Þjónustumiðstöðvar Breiðholts.

Þar geta samtímis dvalið sex börn, 12 ára og yngri. Þessi börn búa allajafna hjá foreldrum sínum og er dvölin ætluð sem hvíldarvistun fyrir börnin og foreldra þeirra. Frekari upplýsingar veita félagsráðgjafar Þjónustumiðstöðvar Breiðholts.

Skammtímavistun fyrir ungmenni á aldrinum 16-19 ára sem ekki geta búið heima hjá sér eða á meðan verið er að finna þeim annað úrræði. Stuðningsúrræðið er ætlað 3 ungmennum sem búa þar ásamt umsjónarmanni. Frekari upplýsingar veita félagsráðgjafar Þjónustumiðstöðvar Breiðholts.

Er eingöngu úrræði fyrir Barnavernd Reykjavíkur og er ætlað mest 7 börnum, 13 ára og yngri. Fyrirkomulagið er tvennskonar:

1. Bráðvistun, án fyrirvara allan sólarhringinn.
2. Greiningar- og kennsluvistun, 6-8 vikur. Þá er barnið vistað en foreldrar mæta alla daga samkvæmt samkomulagi.
3. Fósturaðlögun.
4. Íbúð í kjallara vistheimilisins er ætluð fjölskyldum sem þurfa frekari stuðning í lengri tíma. Nýtist oft í framhaldi af greiningar- og kennsluvistun og fyrir væntanlega fósturforeldra.

Á Þjónustumiðstöð Breiðholts er boðið upp á félagslega ráðgjöf fyrir einstaklinga og fjölskyldur, m.a. annars vegna fjármála, húsnæðismála, unglingamál, áfengis- og vímuefnamála og fötlunarmála. Félagsráðgjafi er á vakt alla virka daga og geta notendur því fengið samband við sérfræðing samdægurs. Vakthafandi félagsráðgjafi metur þau erindi sem berast, hann veitir ráðgjöf, afgreiðir umsóknir og vísar erindi annað ef við á. Notenda er boðið fyrsta viðtal hjá félagsráðgjafa ef talið er að málið þurfi frekari vinnslu en hægt er að veita samdægurs.

Á Þjónustumiðstöð Breiðholts er boðið upp á félagslega ráðgjöf fyrir einstaklinga og fjölskyldur, m.a. annars vegna fjármála, húsnæðismála, unglingamála, áfengis- og vímuefnamála og fötlunarmála. Félagsráðgjafi er á vakt alla virka daga og geta notendur því fengið samband við sérfræðing samdægurs. Vakthafandi félagsráðgjafi metur þau erindi sem berast, hann veitir ráðgjöf, afgreiðir umsóknir og vísar erindi annað ef við á. Notenda er boðið fyrsta viðtal hjá félagsráðgjafa eða sálfræðingi ef talið er að málið þurfi frekari vinnslu en hægt er að veita samdægurs. Félagsráðgjafi getur óskað eftir aðkomu sálfræðings að málum sem eru í vinnslu. Einnig getur sálfræðingur óskað eftir aðkomu félagsráðgjafa að þeim málum er hann er að vinna með.

Lausnamiðuð meðferð er árangursrík leið til að ná fram jákvæðum breytingum hjá einstaklingum og fjölskyldum. Lögð er áhersla á styrkleika einstaklinga og þannig leitað leiða til að ná þeim markmiðum sem einstaklingar og fjölskyldur vilja setja sér. Gert er ráð fyrir að einstaklingur/fjölskyldur komi í 5-10 tíma hjá sérfræðingi á Þjónustumiðstöð Breiðholts. Sótt er um hjá félagsráðgjöfum og sálfræðingum.

Leikni (coaching) felur í sér viðtöl, handleiðslu, ráðgjöf, stuðning, kennslu og fræðslu með það að markmiðið að efla þátttakendur í að læra á sjálfan sig, ná því besta út úr lífinu, taka ábyrgð og lifa með breytingum. Samvinna næst um markmiðin sem stefnt er að og leiðir fundnar í sameiningu þar sem byggt er á styrkleikum sem til staðar eru hjá þátttakendum. Þjálfun stendur í 3-6 mánuði og fer að mestu fram á heimili þátttakenda. Frekari upplýsingar veita félagsráðgjafar.

Endurhæfingarnámskeið fyrir atvinnulaust ungt fólk á aldrinum 18-25 ára. Námskeiðið er í 8 vikur og miðar að því að koma þátttakendum út á vinnumarkaðinn og/ea í nám. Megininntak námskeiðsins er sjálfsefling, fjármálaráðgjöf, áhugasviðsgreining, náms- og starfsfræðsla og heimsóknir og kynningar á ýmsar stofnanir í samfélaginu. Sótt er um hjá félagsráðgjöfum Þjónustumiðstöðvar Breiðholts.

Samstarfsverkefni Þjónustumiðstöðva Reykjavíkurborgar og Tryggingastofnunnar ríkisins. Um er að ræða 18 mánaða endurhæfingu fyrir karlmenn á aldrinum 25-45 ára sem hafa verið atvinnulausir um lengri tíma og notið fjárhagsaðstoðar sér til framfærslu. Þátttakendur fara í nám hjá Námsflokkunum og er boðið upp á margvíslega sjálfsstyrkingu. Markmiðið er að þátttakendur öðlist betra sjálfstraust og aukna félagsfærni til að þeir verði betur í stakk búnir til að komast út á vinnumarkaðinn og/eða í áframhaldandi nám. Sótt er um þátttöku hjá félagsráðgjöfum Þjónustumiðstöðvar Breiðholts.

Samstarfsverkefni Þjónustumiðstöðva Reykjavíkurborgar og Tryggingastofnunnar ríkisins. Um er að ræða 18 mánaða endurhæfingu fyrir félagslega einangraðar einstæðar mæður. Þátttakendur fara í nám í Námsflokkana og Hússtjórnarskólann auk þess að fara á sjálfsstyrkingar-, fjármála- og foreldranámskeið. Sótt er um hjá félagsráðgjöfum Þjónustumiðstöðvar Breiðholts.

Endurhæfingarúrræði fyrir áfengis- og vímuefnaneytendur. Starfsemin er samstarfsverkefni allra þjónustumiðstöðva í Reykjavík en er staðsett í húsnæði Reykjavíkurborgar að Amtmannstíg 5a. Markmið Grettistaks er að styðja fólk til sjálfshjálpar sem notið hefur félagslegrar ráðgjafar frá þjónustumiðstöðvum í Reykjavík til lengri tíma vegna langvarandi áfengis- og annarra vímuefnamisnotkunar, auk félagslegra erfiðleika. Endurhæfingin er einstaklingsmiðuð en hópastarf er stór hluti af meðferðinni. Endurhæfingin stendur yfir í 18 mánuði. Sótt er um hjá félagsráðgjöfum Þjónustumiðstöðvar Breiðholts.

Úrræði fyrir ungt fólk í áhættu. Farið er í undirbúningsferðir og þátttakendum gefinn kostur á að fara í krefjandi ferðalög um náttúru landsins. Hápunktur starfsins er tveggja vikna ferð um Hornstrandir. Hitt húsið heldur utan um Hálendishópinn en frekari upplýsingar veita félagsráðgjafar Þjónustumiðstöðvar Breiðholts.

Verkþjálfunar- og framleiðslusetur fyrir ungt fólk á aldrinum 16-24 ára, sem hætt hefur námi og ekki getað fótað sig á vinnumarkaði. Frekari upplýsingar veita félagsráðgjafar Þjónustumiðstöðvar Breiðholts. Samstarfsverkefni RVK, RKÍ, ATS. Sjá nánar á vefnum: fjolsmidjan.is

Fjárhagsaðstoð stendur þeim til boða sem hafa tekjur og eignir undir ákveðnum viðmiðunarmörkum. Borgarstjórn setur reglur þar um. Aðstoðin getur verið styrkur eða lán. Fjárhagsaðstoð til framfærslu er veitt einstaklingum og fjölskyldum sem ekki geta séð sér og sínum farborða án aðstoðar. Aðstoðin er óháð barnafjölda, þar sem reiknað er með að barnabætur, meðlög og barnalífeyrir mæti kostnaði vegna barna. Einnig er hún óháð kostnaði vegna húsnæðis þar sem vaxtabætur og húsaleigubætur er ætlað að mæta þeim kostnaði.

Heimildagreiðslur eru veittar einstaklingum og fjölskyldum vegna sérstakra aðstæðna, m.a. vegna félagslegs vanda og óvæntra áfalla. Í sumum tilfellum er skilyrði fyrir heimildargreiðslu að viðkomandi hafi haft tekjur við eða undir viðmiðunarmörkum (sjá hér að ofan) í ákveðinn tíma.Sem dæmi um heimildagreiðslur má nefna aðstoð vegna barna (s.s. skólakostnaður og frístundakostnaður), námsaðstoð, greiðsla sérfræðiaðstoðar, styrkur til fyrirframgreiðslu húsaleigu og útfararstyrkur.

• Reglur Reykjavíkurborgar um fjárhagsaðstoð>>

Leigjendur íbúðarhúsnæðis eiga rétt á húsaleigubótum að uppfylltum skilyrðum, meðal annars um leigusamning og tekjur.

• Reglugerð um húsaleigubætur >>

Í framhaldi af öllum tilvísunum til þjónustumiðstöðvar fer fram skimun sem leiðir til íhlutunar í skóla.

Tilvísanir frá leikskólum byrja á greiningu sálfræðings. Í grunnskólum á sér stað greining leiði íhlutun í kjölfar skimunar ekki til áætlaðs árangurs.

Boðið er upp á skammtímameðferð, fjögur til sex viðtöl fyrir ákveðna einstaklinga.

Sérkennsluráðgjöf á sér stað í framhaldi af greiningum eða óskum skóla um slíkt.

Foreldrar geta undir öllum kringumstæðum haft samband við Þjónustumiðstöð Breiðholts gegnum síma eða netpóst og óskað ráðgjafar hjá félagsráðgjafa, sérkennsluráðgjafa eða sálfræðingi. Ráðgjöf til foreldra er alltaf hluti af vinnslu einstaklingsmála.

Hægt er að sækja um í leikskóla Rafrænni Reykjavík, sjá nánar á heimasíðu Þjónustumiðstöðvar Breiðholts eða Leikskólasviðs Reykjavíkurborgar.

Leikskólasvið Reykjavíkur veitir starfsleyfi til dagforeldra en umsóknir er að finna á heimasíðu Þjónustumiðstöðvar Breiðholts og Leikskólasviðs Reykjavíkur.

er ákveðið námsúrræði fyrir nemendur í 9. og 10. bekk sem eru haldnir miklum námsleiða. Þar er nemendum veitt heimild til að starfa úti í atvinnulífinu hluta af daglegum starfstíma skólans og fá vinnutímann metinn til jafns við grunnskólanám. Lögð er áhersla á sjálfsstyrkingu og aðstoð við náms- og starfsval út frá styrkleikum hvers og eins. Námsráðgjafar grunnskólanna og ráðgjafar á þjónustumiðstöðvum veita allar nánari upplýsingar.

Félagsráðgjafi, sálfræðingur og sérkennsluráðgjafi frá þjónustumiðstöð sitja nemendaverndarráðsfundi sem haldir eru í grunnskólum Breiðholts. Þessir ráðgjafar skiptast á að mæta á nemendaverndarráðsfundi, en á 4 vikna fresti mæta allir ráðgjafar við skólann saman á þessa fundi. Hlutverk ráðgjafa á nemendaverndarráðsfundi er að koma sem fyrst að ráðgjöf við skóla og leiðbeina m.a. um hvort eða hvert skal vísa málum.

Starfsmenn leik og grunnskóla geta óskað eftir viðtali við tengilið skólans á þar til gerðu viðtalseyðublaði. Eyðublaðinu skila starfsmenn til deildarstjóra sérkennslu sem kemur erindinu áleiðis. Viðtalið á sér stað innan viku frá því beiðni berst.

Stjórnendur skólanna geta óskað eftir aðkomu sérfræðiþjónustunnar að málefnum skólanna, s.s. varðandi handleiðslu, ráðgjöf, hópastarf og fræðslu til starfsmanna vegna nýbreytni og/eða þróunarstarfa á þar til gerðu kerfiseyðublaði

Félagsráðgjafi, sálfræðingur, leikskólaráðgjafi og sérkennsluráðgjafi sitja samráðsfundi í leikskólum (sem haldnir eru á 7-8 vikna fresti). Hlutverk ráðgjafa á þessum fundi er að koma sem fyrst að ráðgjöf við leikskóla og meta hvort eða hvert skal vísa málum.

Jákvæður stuðningur við hegðun eða PBS (positive behavior support) er heildstætt vinnulag sem samanstendur af einföldum og kerfisbundnum aðferðum sem auka líkur á æskilegri hegðun. PBS er þekkingarstöðvarverkefni Þjónustumiðstöðvar Breiðholts og hefur stöðin yfirumsjón með þessu verkefni í grunnskólum og leikskólum. Frekari upplýsingar veita sálfræðingar Þjónustumiðstöðvar Breiðholts og á www.pbis.org

ART (Aggression Replacement Training) er þjálfunarúrræði fyrir börn og unglinga í reiðistjórnun og til að efla félagsfærni. Námskeiðið er fyrst og fremst ætlað börnum og unglingum sem hafa sögu um hegðunarerfiðleika og/eða skerta félagsfærni. ART hefur síðan verið aðlagað fjölmörgum ólíkum hópum innan grunnskólanna með góðum árangri. Frekari upplýsingar veita sálfræðingar Þjónustumiðstöðvar Breiðholts og á vefnum: www.nordart.org.

PMT (Parent Management Training) er aðferð fyrir foreldra og aðra sem koma að uppeldi. Boðið er uppá námskeið fyrir starfsfólk leikskóla og grunnskóla sem og foreldra. Ennfremur er stendur foreldrum til boða að fá einkahandleiðslu í PMT. Frekari upplýsingar eru veittar hjá sálfræðingum Þjónustumiðstöðvar Breiðholts og á vefnum: hafnarfjordur.is/hafnarfjordur/pmt

Félagslegar leiguíbúðir er ætlaðar Reykvíkingum sem búa við mjög erfiðar félags- og fjárhagsaðstæður. Við vinnslu umsóknar skal leita upplýsinga m.a. um félagslegar aðstæður, tekjur og eignir. Skilyrði er að umsækjandi eigi lögheimili í Reykjavík þegar sótt er um og a.m.k. síðustu 3 árin samfleytt áður en umsókn berst. Allir sem sækja um félagslegt leiguhúsnæði fara í viðtal til ráðgjafa sem metur umsóknir með hliðsjón af stigagjöf.

Fólk 18 ára og eldra sem hefur átt lögheimili í Reykjavík sl. 3 ár og eru undir tekju- og eignamörkum getur sótt um félagslegt leiguhúsnæði / sérstakar húsleigubætur á vegum Reykjavíkurborgar. Sérstakar húsaleigubætur eru fjárstuðningur til greiðslu húsaleigu á almennum markaði, umfram almennar húsaleigubætur og eru ætlaðar þeim sem búa við erfiðar félags- og fjárhagslegar aðstæður. Úthlutun sérstakra húsaleigubóta er byggð á mati á aðstæðum umsækjanda.
Reglur um félagslegt leiguíbúðir og sérstakar húsaleigubætur.

Þjónustuíbúðir eru ætlaðar fólki sem þarf meiri aðstoð og stuðning en hægt er að veita í heimahúsi en heilsufar ekki orðið það slæmt að þörf er fyrir hjúkrunarheimili. Allir Reykvíkingar 67 ára og eldri geta sótt um þjónustuíbúð að uppfylltum skilyrðum um aldur, heilsufar og búsetu í Reykjavík. Í ákveðnum tilfellum er hægt að sækja um undanþágu.

Markmið sértækrar búsetuþjónustu er að styðja einstaklinga til búsetu utan stofnunar. Með búsetuendurhæfingu er stefnt að því að greina framtíðarbúsetu við hæfi, auka möguleika einstaklingsins til þátttöku í samfélaginu, finna framtíðarúrræði við hæfi og bæta félagslega virkni einstaklingsins.

Dvalar- og hjúkrunarheimili eru fyrir þá sem þurfa svo mikla þjónustu að þeir geta ekki búið sjálfstætt. Þegar sótt er um á dvalar- og hjúkrunarheimili þarf vistunarmat að liggja fyrir sem er forsenda úthlutunar. Vistunarmat er gert þegar einstaklingur sækir um dvalar- eða hjúkrunarrými fyrir aldraða, sbr. 14 gr. Laga um málefni aldraða nr. 125/1999

Er 7 vikna sjálfsstyrkingar og sjálfshjálpar námskeið fyrir mæður sem hafa verið utan vinnumarkaðar og með þjónustu frá þjónustumiðstöð um nokkurt skeið. Námskeiðið byggist upp á hópastarfi með fræðslu innslagi og umræðum. Frekari upplýsingar veita félagsráðgjafar.

Námskeiðinu er ætlað að efla sjálfstraust og félagslega færni einstaklinga. Farið er yfir ýmsa þætti er lúta að persónuleika, samskiptum, samskiptafærni og tilfinningum þátttakenda með það að markmiði að þeir verði meðvitaðri um eigið sjálf og geti þannig öðlast betri líðan. Námskeiðið er í fjögur til sex skipti í tvær klukkustundir í senn. Sótt er um hjá sérfræðingum Þjónustumiðstöðvar Breiðholts.

Styrkurinn er sjálfsræktarhópur 4-5 einstaklinga sem tveir hópstjórar stýra. Tímarnir samanstanda af fræðsluinnleggi hópstjóra og umræðum og verkefnum þátttakenda. Markmið hópsins er að þátttakendur læri á sjálfan sig, styrki sjálfsmyndina og taki ábyrgð á eigin lífi. Hópurinn hittist í þrjá mánuði, vikulega fyrsta mánuðinn en aðra hverja viku eftir það. Sótt er um hjá sérfræðingum Þjónustumiðstöðvar Breiðholts.

Uppeldisnámskeið ætlað foreldrum barna á leikskólaaldri (6 mánaða til 6 ára). Á námskeiðinu er fjallað um fjölmarga þætti sem stuðla að árangursríku uppeldi og jákvæðum samskiptum við börn. Lögð er áhersla á að foreldrar tileinki sér að kenna börnum sínum æskilega hegðun til að fyrirbyggja erfiðleika í uppeldinu. Námskeiðið er í fjögur skipti í tvær klukkustundir í senn. Sótt er um hjá sérfræðingum Þjónustumiðstöðvar Breiðholts.

Hjálp fyrir foreldra er sex vikna námskeið hannað af Dr. Lyn n Clarks, sem er klíniskur sálfræðingur. Gögnunum og námskeiðinu er ætlað að kenna foreldrum að hjálpa börnum sínum (frá 2ja upp að 12 ára aldri) að bæta hegðun sína og stuðla að tilfinningalegri og félagslegri aðlögun. Nánari upplýsingar og skráning hjá Félagsvísindastofnun Háskóla Íslands, gjs@hi.is , eða í síma 525-4545 eða 525-4544.

Fyrir minni hópa og handleiðsla í skólana. Þróa úrræði í samvinnu við stofnanir í hverfinu. Fyrirhugað er námskeið fyrir lykilstarfsmenn og handleiðsla í framhaldinu fyrir aðila sem hugsa sér að halda námskeið innan sinnar stofnunar

Námskeið fyrir foreldra (gegnum tilvísun einstaklingsmála) og fagaðila. Stefnt að því að halda námskeið fyrir fagaðila í haust og foreldra í vor. PMT meðferð fyrir 3 fjölskyldur næsta vetur.