Borgarvefsjá er vefþjónusta sem er öllum opin á vefslóðinni www.borgarvefsja.is. Hún veitir á einfaldan hátt grunnupplýsingar úr gögnum LUKR og auk þess ýmsan fróðleik af margvíslegu tagi, sem fróðleiksfúsir notendur kunna að meta. Fyrsta útgáfa Borgarvefsjár var tekin í notkun 1999 og varð Reykjavíkurborg fyrst sveitarfélaga á Íslandi til að bjóða slíkan aðgang að landupplýsingum. Tímavél LUKR Í Tímavélinni er hægt að sjá breytingar á ákveðnum LUKR-gögnum frá árinu 1999 til dagsins í dag og einnig prenta út samanburðar-kort. Þessi gögn eru strandlína, götur, stígar, hús og lóðir.

Um Landupplýsingakerfi Reykjavíkur (LUKR)

LUKR er samstarfsverkefni Framkvæmda- og eignasviðs, Skipulags- og byggingarsviðs, Orkuveitu Reykjavíkur og Mílu ehf. um víðtækan, rafrænan kortagrunn sem tengdur er margvíslegum upplýsingum úr gagnagrunnum á borð við Fasteignamat ríkisins og þjóðskrá. LUKR var brautryðjandi landupplýsinga hér á landi og hefur nú starfað frá því snemma árs 1988 eða í rúm 20 ár. Í LUKR er að finna grunnupplýsingar um alla innviði borgarinnar (götur, lóðir, hús, lagnir o.s.frv.) auk þess sem tengingar við þjóðskrá opna möguleika á margvíslegum lýðfræðiupplýsingum.

Athugið:

Óheimilt er að nota kort úr Borgarvefsjá við jarðvegsframkvæmdir!
Sjá nánar “Um notkun korta” hér til hægri.

Hér má sækja kynningarbækling um Borgarvefsjá (0,8Mb).

Athugasemdir sendist til umsjónarmanns Borgarvefsjár bvs@rvk.is