Skrifstofustjóri: Sighvatur Arnarsson, sighvatur.arnarsson@reykjavik.is

Skrifstofa gatna- og eignaumsýslu sér um rekstur og viðhald gatna, gangstíga, opinna svæða og fasteigna í eigu eignasjóðs Reykjavíkurborgar. Skrifstofan skiptist í gatnadeild, byggingadeild, útboðs- og áætlanadeild og eignaumsýsludeild.

Helstu verkefni vegna reksturs og viðhalds gatnakerfisins:

• Viðhald og rekstur gatna, gönguleiða og opinna svæða.
• Sópun og hreinsun gatna, hreinsun veggjakrots og grasslátur á opnum svæðum.
• Snjómokstur og hálkueyðing, hreinsun og raflýsing gatna og gönguleiða.
• Umferðarmerkingar, rekstur og viðhald umferðarljósa.
• Náðhús og ýmis verkefni vegna viðburða innan borgarinnar.
• Rekstur hverfastöðva Njarðargötu, Miklatúni, Jafnaseli og Stórhöfða ásamt þjónustumiðstöðvar í Stórhöfða.
• Gerð fjárhagsáætlana, kostnaðar- og greiðsluáætlana og kostnaðareftirlit.
• Framkvæmd viðhalds- og rekstrarverka, umsjón og eftirlit, lokaúttekt og uppgjör verka.

Helstu verkefni vegna viðhalds og reksturs fasteigna:

• Hönnun viðhaldsverka, gerð fjárhagsáætlana, kostnaðar- og greiðsluáætlana og kostnaðareftirlit.
• Framkvæmd viðhaldsverka, umsjón, eftirlit og uppgjör þeirra.
• Rekstur útibúa frá byggingadeild í hverfastöðvum Njarðargötu, Miklatúni, Jafnaseli og Stórhöfða.
• Gerð leigusamninga, innheimta leigu, greiðsla opinberra gjalda, tryggingar o.fl.
• Viðhald á miðlægum gagnagrunni um fasteignir Reykjavíkurborgar.