Álagning fasteignagjalda 2012
Álagning fasteignagjalda byggir á verðmætamati húsa og lóða í Reykjavík, stærð þeirra og notkun. Álagningarstofninn er fenginn frá Fasteignaskrá Íslands 31. desember ár hvert og byggir álagning næsta árs á eftir á þeim stofni. Fasteignaskrá Íslands fær upplýsingar frá Byggingarfulltrúanum í Reykjavík um nýbyggingar, eldri byggingar sem er breytt og hús sem eru rifin, metur verðmæti þeirra, endurmetur eða fellir úr fasteignamati. Sýslumaðurinn í Reykjavík sendir Fasteignaskrá Íslands upplýsingar um eigendur húsa og lóða og allar breytingar sem þar verða á. Allar þessar upplýsingar eru notaðar við álagningu fasteignagjalda, leiðréttingar, reikningagerð og innheimtu sem fer fram hjá fjármálaskrifstofu Reykjavíkurborgar.
Hægt er að nálgast álagningarseðla í Rafrænni Reykjavík
Skipting fasteignagjalda
Íbúðarhúsnæði, A-skattfl.
Fasteignaskattur 0,2% af fasteignam. húss og lóðar
Lóðarleiga 0,2% af fasteignam. lóðar
Annað húsnæði samkvæmt 3. gr. reglugerðar nr. 1160/2005 og ákvæði til bráðabirgða. B-skattfl.
Fasteignaskattur 1,32 % af fasteignam. húss og lóðar
Lóðarleiga 1,00% af fasteignam. lóðar
Atvinnuhúsnæði, C-skattfl.
Fasteignaskattur 1,65% af fasteignam. húss og lóðar
Lóðarleiga 1,00% af fasteignam. lóðar