Frestir frá B-degi, þegar lóð verður byggingarhæf, þar til lokið hefur verið við tiltekna byggingaráfanga: Sökklar steyptir innan þriggja ára, hús fokhelt innan fjögurra ára og fullfrágengið að utan og lóð frágengin innan 5 ára. Sjá nánar í almennum lóða- og framkvæmdaskilmálum.

Mikið er spurt um hverjir gera eignaskiptayfirlýsingar. Það eru einkaaðilar sem hafa fengið leyfi frá félagsmálaráðuneytinu til að gera eignaskiptayfirlýsingar.

Smelltu hér til að finna lista yfir þessa aðila >>>

Kvaðir sem eru lagðar á einstakar lóðir í skipulagi, svo sem um fjölda bílastæða, umferðarétt eða legu lagna.

Skipulagsáætlun fyrir afmarkaða reiti innan sveitarfélags sem byggð er á aðalskipulagi og kveður nánar á um útfærslu þess. Ákvæði um deiliskipulag eiga jafnt við um þéttbýli og dreifbýli.

Skipulagsáætlun fyrir tiltekið sveitarfélag þar sem fram kemur stefna sveitastjórnar um landnotkun, samgöngu- og þjónustukerfi, umhverfismál og þróun byggðar í sveitarfélaginu á minnst 12 ára tímabili.

Skipulagsáætlun sem tekur yfir meira en eitt sveitarfélag. Hlutverk svæðisskipulags er að samræma stefnu, landnotkun, samgöngu- og þjónustukerfi, umhverfismál og þróun byggðar á svæðinu á minnst 12 ára tímabili.

Áætlun sem gerir grein fyrir markmiðum viðkomandi stjórnvalda og ákvörðunum um framtíðarnotkun lands og fyrirkomulag byggðar og lýsir forsendum ákvarðana. Skipulagsáætlanir skiptast í þrjá flokka: Svæðisskipulag, aðalskipulag og deiliskipulag. Skipulagsáætlun er sett fram í greinargerð og á uppdrætti.

Ákvæði í skipulagsáætlun um nánari útfærslu skipulags um samsetningu byggðar, byggingarlínur, hæð hús o.fl.

Hlutfall milli brúttóflatarmáls bygginga á lóð eða reit og flatarmáls lóðar eða reits.

Leyfi til framkvæmda í samræmi við skipulag og sem ekki eru háðar ákvæðum IV. kafla laga skipulaga- og byggingarlaga um mannvirki.

Leyfi sveitastjórnar til að byggja, breyta eða rífa hús eða önnur mannvirki eða breyta notkun þeirra. Leyfið felur í sér samþykkt aðaluppdrátta og framkvæmdaáforma og heimild til að hefja framkvæmdir að uppfylltum skilyrðum, sbr. 44. gr. skipulags- og byggingarlaga nr. 73/1997.

Yfirlit yfir helstu gjöld
Mannvirkjaskrifstofa Framkvæmda- og eignasviðs
Fráveituheimæð (skolp- og regnvatnslagnir)
Áætlaður kostnaður við fráveituheimæðar fyrir hverja lóð: kr. 284.765,- (verðlag í júní 2009)

Við kaup á byggingarrétti
Kaupverð byggingarréttar, gatnagerðargjald, fráveituheimæðargjald: Mismunandi há gjöld eftir lóðum.
Vegna nýrra lóða: Skráningargjald lóðar, kr. 18.000,-.

Verðskrá Orkuveitu Reykjavíkur fyrir heimlagnir
Um verð á heimlögnum Orkuveitur Reykjavíkur vísast til vefsíðu hennar, www.or.is.
Frekari upplýsingar fást hjá Orkuveitunni í símum 516-6413-15.

Byggingarfulltrúi
Sjá gjaldskrá byggingarfulltrúa

Þegar lóðir eru byggingarhæfar er lóðarhöfum send sérstök tilkynning um það. Miðast upphaf framkvæmdafresta við þá dagsetningu, sem er svokallaður B-dagur.