16.07.2010
Upplestur á frétt
Uppskera sumarstarfs unglinga
Unglingar úr félagsmiðstöðinni Kampi buðu ættingjum og vinum upp á súpu síðasta vinnudaginn sinn og sýndu uppgerð húsgögn sem er afrakstur sumarstarfs unglinga á vegum ÍTR og Vinnuskólans. Í sumar hafa félagmiðstöðvahópar verið starfræktir í öllum hverfum borgarinnar en þeir hafa m.a. að markmiði að auðga mannlífið í hverfinu sínu og sjálfa sig í leiðinni:)
Starfið hefur verið afar fjölbreytt en unglingar í Kampi skiplögðu meðal annars fáránleikakeppni fyrir 10-12 ára í hverfinu sínu, heimsóttu eldri borgara og buðu upp á hnallþórur, kaffi, upplestur og gítarspil. Einnig skipulögðu þau félagsmiðstöðvadagskrá fyrir unglinga. Eins var ýmislegt sér til gaman gert og átti hópurinn ógleymanlegar stundir út á sjó, á kajak, á árabátum, við að veiða, stökkva úr togara út í Atlantshafið svo eitthvað sé nefnt. Endilega kíkið á myndirnar af sýningunni og sumrinu á heimasíðunni http://www.kampur.is/ !
Íþrótta- og tómstundasvið
HöfðatorgBorgartún 12-14105 ReykjavíkSími 411 5000
