Hvatningarverðlaun frístundaheimila ÍTR afhent í fyrsta sinn

09.09.2010

Upplestur á frétt 

• 1

Fjör á frístundaheimili

• Senda
• Prenta
• Senda á Facebook

Jón Gnarr, borgarstjóri, mun afhenda Hvatningarverðlaun Frístundaheimila á morgun þann 10. september.
Hvatningarverðlaunin eru nú afhent í fyrsta sinn og er markmið þeirra að vekja athygli á því gróskumikla starfi sem fram fer á frístundaheimilunum, veita starfsfólki frístundaheimila hvatningu og stuðla að auknu nýbreytni- og þróunarstarfi.
Hvatningarverðlaunin koma að þessu sinni í hlut tveggja frístundaheimila og eins verkefnisstjóra.

Jón Gnarr, borgarstjóri, mun heimsækja frístundaheimilin og afhenda verðlaunin. Börnin og starfsfólkið munu efna til hátíðar í tilefni verðlaunanna og boðið verður upp á söng og aðra skemmtun?

Athafnirnar verða kl. 14:00 í Húsaskóla (Kastali), kl. 14:45 í Háteigsskóla (Frístund) og kl. 15:30 í Frostheimum.
Fjölmiðlar eru velkomnir.