Frístundir barna og unglinga

Skrifstofa tómstundamála hefur yfirumsjón með frístundastarfi  fyrir börn, unglinga og ungmenni. Leiðarljós starfseminnar eru að börnum og ungmennum standi til boða frístundastarf sem hefur uppeldis- og menntunargildi og tekur mið af aldri þeirra og þroska. Áhersla er lögð á virka þátttöku, reynslunám, lýðræði og jafnræði. Sérstaklega er hugað að því að virkja einstaklinga sem eiga undir högg að sækja vegna fötlunar eða félagslegra aðstæðna. Frístundastarf er í eðli sínu forvarnarstarf þar sem unnið er með viðhorf og atferli barna og ungmenna í átt til heilbrigðs lífstíls og virkni í samfélaginu.

Starfsskrá skrifstofu tómstundamála er kjölfesta starfsins.

Auk starfsemi á vegum skrifstofu tómstundamála sinnir ÍTR víðtæku samstarfi við hagsmunaaðila í íþrótta- og æskulýðsstarfi, veitir styrki til félaga og styrkir þátttöku barna og unglinga í starfsemi þeirra með Frístundakortinu.

Frístundastarf

Í Reykjavík eru 6 frístundamiðstöðvar, Ársel, Frostaskjól, Gufunesbær, Kampur, Kringlumýri og Miðberg. Starfsvettvangur frístundamiðstöðva er frítími allra borgarbúa en megináherslan er lögð á barna- og unglingastarf. Frístundamiðstöðvarnar sjá um rekstur félagsmiðstöðva og frístundaheimila í sínu hverfi. Skipurit frístundamiðstöðva.

Mikið er lagt upp úr framboði á fjölbreyttu og áhugaverðu frístundastarfi. Uppbygging þjónustu í frítímanum er ein af kröfum nútímans. Þar á að vera vettvangur tómstunda, menntunar, menningar og uppeldis undir handleiðslu hæfs starfsfólks.

Ársel í Árbæ, Grafarholti og Norðlingaholti
Forstöðumaður, Jóhannes Guðlaugsson, s: 411 5800
johannes.gudlaugsson@reykjavik.is,

Frostaskjól í Vesturbæ
Forstöðumaður, Guðrún Kaldal, s: 411 5700
gudrun.kaldal@reykjavik.is,

Gufunesbær í Grafarvogi og á Kjalarnesi
Forstöðumaður, Atli Steinn Árnason, s: 411 5600
atli.steinn.arnason@reykjavik.is,

Kampur í Miðborg og Hlíðum
Forstöðumaður, Selma Árnadóttir, s: 411 5560
selma.arnadottir@reykjavik.is,

Kringlumýri í Laugardal og Háaleiti
Forstöðumaður, Haraldur Sigurðsson, s: 411 5400
haraldur.sigurds@reykjavik.is,

Miðberg í Breiðholti
Forstöðumaður, Helgi Eiríksson, s: 411 5750
helgi.eiriksson@reykjavik.is,

Frístundamiðstöðvar í Reykjavík.

Skoðið Frístundamiðstöðvar ÍTR á stærra korti.

Mikil ánægja með starf frístundaheimila og metfjöldi

Aldrei áður hafa fleiri börn verið skráð inn á frístundaheimili borgarinnar en þau eru nú rösklega 3.300 á aldrinum 6-9 ára. Í nýlegri könnun sem gerð var meðal foreldra kom fram mikil ánægja með þjónustuna. Þannig segja 88% foreldra að barn þeirra sé mjög eða frekar ánægt á frístundaheimilinu og 87% eru mjög eða frekar ánægðir með þjónustuna. 90% foreldra eru ánægðir með framkomu starfsmanna og 84% telja að starfsfólkið sýna barni þeirra hlýju og nærgætni þegar það þarf á því að halda. Þá telja 92% foreldra að dvölin á frístundaheimilinu hafi góð félagslega áhrif á barn þeirra. Alls svöruðu 1.103 foreldrar könnuninni.

Starfsfólk skóla- og frístundasviðs Reykjavíkurborgar er afar ánægt með viðbrögð foreldra og verða niðurstöður könnunarinnar nýttar til að gera gott starf enn betra. Um þessar mundir stendur jólaundirbúningurinn sem hæst á frístundaheimilunum og er mikill spenningur í fólki,  stórum sem smáum.