KENNILEITI MINNINGANNA - KVÖLDGÖNGUR Í HVERFUNUM
01.07.2010
Upplestur á frétt 
Fimmtudagskvöldið, 1. júli kl. 20:00 mun Sigurlaug Ragnarsdóttir annast leiðsögn um útilistaverk í miðbænum þegar lagt verður upp í fjórðu kvöldgönguna sem menningarstofnanir Reykjavíkurborgar standa fyrir.
Gangan tekur um klukkustund en í henni mun Sigurlaug kynna ólíkar aðferðir við miðlun útilistaverka, gildi miðlunar og upplifun einstaklings á henni. Í göngunni verður lögð áhersla á að skoða útilistaverk á hugmyndafræðilegum grundvelli og draga þannig fram nýjar áherslur og nýja sýn auk þess að vekja upp spurningar um mikilvægi verkanna.
Gangan hefst við listaverkið Miðja Reykjavíkur eftir Kristinn E. Hrafnsson á mótum Vesturgötu og Aðalstrætis.
Sigurlaug Ragnarsdóttir er listfræðingur og menningarmiðlari. Hún hefur rannsakað og safnað saman upplýsingum um útilistaverk í eigu og umsjón Reykjavíkurborgar með miðlun í huga.
Sýningarsalir og Súpubarinn í Hafnarhúsi eru opnir til kl. 22:00 öll fimmtudagskvöld.
Aðgangur er ókeypis.
Nánari upplýsingar um gönguna veitir Sigurlaug Ragnarsdóttir í síma 699-4455.