Upplýsingatæknimiðstöð Reykjavíkurborgar

Upplýsingatæknimiðstöð Reykjavíkurborgar (UTM) leiðir þróun og þjónustu í upplýsingatækni hjá Reykjavíkurborg með það að leiðarljósi að tryggja notendum bestu og hagkvæmustu lausnirnar til að ná hámarks árangri.

UTM rekur eina umfangsmestu upplýsingatækniþjónustu landsins, með á sjötta þúsund tölvum á tæplega þrjúhundruð starfsstöðvum. Notendur upplýsingatæknibúnaðar eru öll svið og skrifstofur Reykjavíkurborgar, skólakrakkar, verkfræðingar, borgarfulltrúar, starfsmenn íþróttamannvirkja, gestir bókasafna og almenningur svo dæmi sé gefið. Kerfin sem UTM ber ábyrð á þróun eru einnig fjölbreytt, afgreiðslukerfi, velferðarkerfi, bókhaldskerfi, umhverfisvöktunarkerfi, fjölmargir vefir og landupplýsingakerfi.

Starfsmenn UTM eru 45 og skiptist starfssemin í þrjár megin hluta.

• Þjónustuhópur rekur þjónustuborð og sinnir uppsetningu og við haldi á tölvubúnaði.
• Kerfishópur rekur netþjóna borgarinnar og víðnet.
• Þróunarhópur stýrir þróun hugbúnaðarkerfa.

UTM leggur ofuráherslu á að reka traust tölvuumhverfi og veita skjóta og góða þjónustu.

• Þjónustusamningar eru gerðir við skrifstofur og svið þar sem verð og þjónustugæði eru skilgreind.
• UTM vinnur að innleiðingu á öryggisstaðlinum ISO 27001.
• Unnið er samkvæmt stefnumiðuðu árangursmati.

Stjórnendur Upplýsingatæknimiðstöðvar Reykjavíkur eru:

• Hjörtur Grétarsson, upplýsingatæknistjóri Reykjavíkurborgar.
• Sigþór Örn Guðmundsson, aðstoðar upplýsingatæknistjóri.
• Eggert Ólafsson, rekstra- og gæðastjóri.
• Dagný Einarsdóttir, þjónustustjóri UTM.
• Tómas Guðmundsson, tæknistjóri UTM.
• María Guðfinnsdóttir, þróunarstjóri UTM.

Allar ábendingar, atvik, kvartanir og hverskonar öryggisbrot sendist á utm.abending@reykjavik.is.

Glærusýning um Upplýsingatæknimiðstöð Reykjavíkurborgar