Grænfáni dreginn að húni í Drafnarborg
30.06.2011
Upplestur á frétt 
Leikskólinn Drafnarborg hefur fengið sinn fyrsta Grænfána, en í mörg ár hafa börn og starfsfólk unnið markvisst að umhverfis- og náttúruvernd. Haldið var upp á þessi tímamót föstudaginn 24. júní en þá var jafnframt efnt til sumarhátíðar í leikskólanum. Mikil gleði ríkti í barnahópnum sem fór í skrúðgöngu, grillaði og lék sér í góða veðrinu. Í tilefni dagsins sungu börnin líka umhverfissöng leikskólans;
Við erum græn,
græn eins og grasið.
Á Drafnarborg
við pössum umhverfið.
Við pössum blómin
og gætum að ormum.
Umhverfisvinir,
það erum við.