Nemandi í Foldaskóla vinnur til umhverfisverðlauna
05.09.2011
Upplestur á frétt 
Magnús Valur Willemsson Verheul í 10. bekk í Foldaskóla hefur undanfarnar tvær vikur dvalið í Rússlandi á vegum UMFÍ. Þar hefur hann setið alþjóðlega ráðstefnu ungmenna á norðurslóðum og rætt m.a. um umhverfismál, loftslagsbreytingar og afleiðingar þeirra.
Þátttakendur, sem komu m.a. frá Íslandi, Danmörku, Svíþjóð, Grænlandi og ellefu fylkjum Rússlands, ræddu sína framtíðarsýn og leystu þrautir og ýmis verkefni. Magnús Valur vann til 2. verðlauna í alþjóðlegri umhverfismálakeppni með kynningu sinni á Grænfánaverkefni Foldaskóla.