Kjarvalsstofa í París er stúdíóíbúð með vinnuaðstöðu, sem ætluð er til dvalar fyrir listamenn. Stofan er í eigu Reykjavíkurborgar, mennta- og menningarmálaráðuneytisins og Seðlabanka Íslands.
Skrifstofa menningar- og ferðamála vistar sjóðinn Reykjavík Loftbrú sem ætlað er að styðja framsækið íslenskt tónlistarfólk til að hasla sér völl á erlendri grund og kynna í leiðinni Reykjavík sem nútímalega menningarborg.
Menningarmálasvið Stokkhólmsborgar býður dvöl í gestabústaðnum Villa Bergshyddan í Stokkhólmi.
Við dvölina gefst tækifæri til að kynnast Stokkhólmi og mynda tengsl með mögulega samvinnu í huga.
Muggur er sjóður á vegum menningar- og ferðamálaráðs, Sambands íslenskra myndlistarmanna og Myndstefs og annast Samband íslenskra myndlistarmanna umsýslu hans.
Talía er sjóður í eigu Félags íslenskra leikara, Félags leikskálda og handritshöfunda, Félags leikstjóra á Íslandi og Reykjavíkurborgar. Félag íslenskra leikara annast umsýslu hans.
Nýsköpunarsjóður tónlistar - Musica Nova var stofnaður árið 2003 af Tónskáldafélagi Íslands með stofnframlagi frá Reykjavíkurborg.