Skrifstofa Menningar- og ferðamálsviðs vistar sjóðinn Reykjavík Loftbrú sem ætlað er að styðja framsækið íslenskt tónlistarfólk til að hasla sér völl á erlendri grund og kynna í leiðinni Reykjavík sem nútímalega menningarborg. Aðilar að Reykjavík Loftbrú eru Félag íslenskra hljómlistarmanna (FÍH), Samtök tónskálda og eigenda flutningsréttar (STEF), Félag hljómplötuframleiðenda (FHF), Reykjavíkurborg og Icelandair. Stjórn Reykjavíkur Loftbrúar samþykkti á stjórnarfundi sínum 3. mars 2011 að framlengja starfstíma sjóðsins út árið 2011.

Ekki hefur verið tekin ákvörðun um endurnýjun sjóðsins á árinu 2012.  

Helstu skilyrði og fyrirkomulag:

• Umsóknarfrestur er síðasti dagur hvers mánaðar og þurfa umsóknir að hafa borist fyrir miðnætti þann dag.
• Sækja þarf um styrk til ferðar með að lágmarki fjögurra vikna fyrirvara, þ.e.a.s. brottfarardagur má ekki vera innan fjögurra vikna frá síðasta skiladegi umsókna í hverjum mánuði.
• Stuðningur Reykjavíkur Loftbrúar er í formi farmiða sem bókaðir eru um leið og úthlutað er. Hámark fjárhæðar pr. farmiða er 80.000 kr. Sjóðurinn veitir jafnframt styrkþegum heimild til yfirvigtar allt að 50 kg. á einstakling – eða 250 kg að hámarki á verkefni sem sækja þarf sérstaklega um á vef Icelandair ef til úthlutunar kemur.
• Styrkþegar fá staðfestingu á úthlutun í tölvupósti sem felur í sér bókun á farmiða og veflykil, sem gildir í 3 daga frá útgáfu. Hafi styrkþegi ekki gengið frá bókun og greiðslu skatta á vef Icelandair innan þess tíma fellur úthlutunin niður.
• Styrkþegar bera sjálfir kostnað af hugsanlegri uppfærslu og/eða breytingum á miða eftir úthlutun auk þess sem greiðsla flugvallarskatta er á ábyrgð styrkþega.
• Hámarks fjöldi fyrir hvert verkefni er 8 flugmiðar ( án skatta) fram og til baka.
• Umsóknir skulu innihalda greinargóða lýsingu á verkefninu, upplýsingar ferðadaga, áfangastað, kennitölur og nákvæmt hlutverk hvers og eins í verkefninu.
• Styrkþegar skulu undirrita samning þar sem kveðið er á um gagnkvæmar skyldur og skal sá samningur liggja fyrir undirritaður innan 7 daga frá úthlutunardegi.

 Skilyrði um stykveitingu Reykjavík Loftbrúar - samþykkt í janúar 2010

Umsóknareyðublað Reykjavík Loftbrú (PDF skjal)

Umsóknareyðublað Reykjavík Loftbrú (Word skjal)

Greinargerð vegna styrks úr Reykjavík Loftbrú (PDF skjal) - skilist eigi síðar en 1 mánuði eftir heimkomu