Fjárhagsleg tengsl kjörinna fulltrúa

 Borgarráð samþykkti á fundi sínum 29. október 2009 reglur um skráningu á fjárhagslegum hagsmunum borgarfulltrúa og trúnaðarstörfum utan borgarstjórnar, en vísað er til þeirra í nýsamþykktum siðareglum kjörinna fulltrúa hjá Reykjavíkurborg. Í reglunum er kveðið á um að skrifstofa borgarstjórnar skuli halda skrá, og birta opinberlega, um fjárhagslega hagsmuni borgarfulltrúa svo og um trúnaðarstörf þeirra utan borgarstjórnar, en skráin er byggð á upplýsingum sem borgarfulltrúar láta sjálfir í té. Reglurnar eru efnislega samhljóða reglum Alþingis um samsvarandi skráningu fjárhagslegra hagsmuna og trúnaðarstarfa þingmanna. Fulltrúar í fagráðum, sem ekki eru borgarfulltrúar, geta einnig skráð upplýsingar í samræmi við reglurnar, sem og varaborgarfulltrúar sem taka fast sæti í borgarstjórn.

Reglurnar tóku gildi við samþykkt borgarráðs 29. október 2009 og upplýsingar voru fyrst birtar á heimasíðu Reykjavíkurborgar á grundvelli þeirra 1. desember s.á. Reglurnar verða yfirfarnar og endurskoðaðar eftir þörfum, þó a.m.k. árlega.

Reglur um skráningu á fjárhagslegum hagsmunum borgarfulltrúa