Stolt Árbæjar

Hvert einasta hverfi borgarinnar allt frá Vesturbæ norður á Kjalarnes er ómissandi þáttur í heildarmynd Reykjavíkur. Öll búa hverfin yfir ákveðinni sérstöðu og státa af Stoltum í mannlífi, umhverfi  og aðstæðum, samanber listann að neðan yfir stolt Árbæjar.

•   Útinámi í skólastarfi hefur vaxið fiskur um hrygg í Árbænum síðustu ár.

•   Allir grunnskólarnir í hverfinu hafa fengið aðgang að grenndarskógi,  þ. e.  Árbæjarskóli, Ártúnsskóli, Norðlingaskóli og Selásskóli.

•   Leikskólinn Rauðhóll deilir grenndarskógi með Norðlingaskóla. Starfsemi Rauðhóls fer að hluta til fram í “skógarhúsið”.

•   Tveir grunnskólar í Árbæ hafa hlotið Íslensku menntaverðlaunin. Þau eru veitt fyrir nýsköpun eða sérstaklega farsælt fræðslustarf. Ártúnsskóli hlaut verðlaunin árið 2006 og  Norðlingaskóli árið 2009.

•   Elliðaárdalurinn er eitt vinsælasta útivistarsvæði Reykvíkinga. Árbæingar eru stoltir af þessu fallega svæði.

•   Fylkir rekur frábært barna- og unglingastarf í hverfinu.

•   Menningarlíf í hverfinu er öflugt og nær hápunkti í menningarviku  um mánaðamótin október til nóvember.

•   Allir grunnskólarnir í hverfinu eru Grænfánaskólar.

•   Árbæjarsundlaug er fallegt kennileiti og vinsæll sundstaður í hverfinu.

 Vinsamlega sendu okkur ábendingu um fleiri stolt í Árbæ á netfangið:arbaer-grafarholt@reykjavik.is