Niðurstaða íbúakosningar í Grafarvogi

Netkosning um forgangsröðun fjármuna til nýframkvæmda og viðhaldsverkefna í hverfum Reykjavíkurborgar fór fram 2. – 14. desember 2009..  Kosið var um forgangsröðun framkvæmda og voru verkefni í flokknum Umhverfi og útivist sett efst í forgangsröð af íbúum í átta hverfum af tíu. Aðrir verkefnaflokkar sem valið stóð um voru Leikur og afþreying og samgöngur.

Í Grafarvogi settu íbúar verkefnaflokkinn Umhverfi og útivist efst í forgangsröðina. Eftirfarandi verkefni fara því á framkvæmdalista fyrir árið 2010 í hverfinu:

a) Gróðursetning og áningarstaður á Gufunessvæði - Verður framkvæmt í haust.

b) Fjölgun bekkja og ruslastampa í hverfinu  - Verður framkvæmt í sumar.

c) Nestisaðstaða við útivistarstíg meðfram ströndinni í norðanverðu Grafarvogshverfi  - Verður framkvæmt í sumar.

d) Drykkjarfontur við útivistarstíginn meðfram ströndinni í norðanverðu Grafarvogshverfi  - Verður framkvæmt í sumar.

e) Trimmtæki við Gufunesbæ og við útivistarstíginn meðfram ströndinni í norðanverðu Grafarvogshverfi. - Verður framkvæmt í sumar.