Niðurstaða íbúakosningar í Laugardal

Netkosning um forgangsröðun fjármuna til nýframkvæmda og viðhaldsverkefna í hverfum Reykjavíkurborgar fór fram 2. – 14. desember 2009..  Kosið var um forgangsröðun framkvæmda og voru verkefni í flokknum Umhverfi og útivist sett efst í forgangsröð af íbúum í átta hverfum af tíu. Aðrir verkefnaflokkar sem valið stóð um voru Leikur og afþreying og samgöngur.

Í Laugardal settu íbúar verkefnaflokkinn Samgöngur efst í forgangsröðina. Eftirfarandi verkefni fara því á framkvæmdalista fyrir árið 2010 í hverfinu:

a) Hraðahindrandi aðgerðir á umferðargötum við gönguleiðir skólabarna í Voga-,  Laugarnes- og Langholtsskóla - Verður framkvæmt í sumar.

b) Hraðamælingarskilti á Reykjaveg annars vegar og hins vegar á Langholtsveg nærri Langholtsskóla. - Verður framkvæmt í sumar.