Síðasti fundur hverfisráðs Grafarholts og Úlfarsárdals
03.06.2010
Upplestur á frétt 
Síðasti fundur hverfisráðs Grafarholts og Úlfarsárdals var haldinn í gær en nýtt hverfisráð verður skipað á næstu vikum í kjölfar nýafstaðinna sveitarstjórnarkosninga. Hverfisráðið sem nú lætur af störfum er sammála um að samstarf hafi verið
gott og að mörgu hafi verið komið í réttann farveg á afstöðnu kjörtímabili. Hverfisráð Grafarholts og Úlfarsárdals þakkar íbúum, félagasamtökum, stofnunum og fyrirtækjum í hverfinu fyrir gott samstarf síðustu fjögur árin og óskar um leið nýju hverfisráði velfarnaðar í starfi.