Fréttir
Þann 19. september 2011 var haldinn starfsdagur um þróun þjónustu við fatlað fólk í Reykjavík. Á fundinn var boðið notendum, kjörnum fulltrúum, stjórnendum og lykilstarfsmönnum á Velferðarsviði, Skóla-og frístundasviðs Reykjavíkuborgar og Hins hússins.
Á kynningunni var farið yfir helstu breytingar í lögum um málefni fatlaðs fólks sem tóku gildi þann 1. janúar 2011, nýja reglugerð um þjónustu við fatlað fólk á heimili sínu, ný lög um réttindagæslu fyrir fatlað fólk og reglugerð um trúnaðarmenn fatlaðs fólks.
Trúnaðarmenn fatlaðra hafa verið skipaðir.
Reykjavík og Seltjarnarnes:
Halldór Gunnarsson
s. 858 1550
Maggý Hrönn Hermannsdóttir
s. 858 1627
Þann 8. apríl hélt verkefnisstjórn um mat á stuðningsþörf (SIS) í samvinnu við samráðsnefnd um málefni fatlaðs fólks fyrir málþingi undir yfirskriftinni Mat á stuðningsþörf (SIS) innihald - aðferðafræði - úrvinnsla.
Þann 5. maí sl. hélt verkefnisstjóri yfirfærslunnar upplýsinga- og samráðsfund með framkvæmdastjórum þjónustumiðstöðva og deildarstjórum.
Frumvarp til laga um réttindagæslu fatlaðs fólks liggur nú fyrir og er í umsagnarferli. Í frumvarpinu er fjallað um hlutverk og verkefni trúnaðarmanna. Þar er einnig gerð grein fyrir hlutverki persónulegra talsmanna sem er nýjung á sviði réttindagæslu.
Tengill á frumvarpið er inni í fréttinni.
Þroskahjálp hefur verið með námskeið fyrir fatlað fólk þar sem markmiðið er að þjálfa fatlað fólk í að vera sendiherrar vegna samnings Sameinuðu þjóðanna um réttindi fatlaðs fólks
Komin er út ný reglugerð um trúnaðarmenn fatlaðs fólks nr. 172/2011
Samband íslenskra sveitarfélaga og Jöfnunarsjóður sveitarfélaga stóðu fyrir upplýsingafundi þann 23. febrúar.
Nýtt starfsfólk Velferðarsviðs var boðið velkomið á opnum fundum til sviðsins þann 8. og 16. febrúar.
María Rúnarsdóttir, verkefnisstjóri kynnti tilfærslu á þjónustu við fatlað fólk frá ríki til Reykjavíkurborgar á fundi mannréttindaráðs þann 8. febrúar.
Eins og við sögðum frá þann 14. desember síðastliðinn þá tók Kári Auðar Svansson til starfa sem tengiliður notenda vegna yfirfærslu málefna fatlaðra frá ríki til Reykjavíkurborgar.
Fimmtudaginn 27. janúar var haldinn samráðsfundur vegna yfirfærslu málefna fatlaðra frá ríki til borgar með framkvæmdastjórum þjónustumiðstöðva, deildarstjórum og rekstrarstjórum
Reykjavíkurborg og Seltjarnarnesbær hafa gert með sér samning um að mynda sameiginlegt þjónustusvæði um þjónustu við fatlað fólk.
Miðvikudaginn 19. janúar hélt María Rúnarsdóttir, verkefnisstjóri, samráðsfund með þjónustustjórum þjónustumiðstöðva og þjónustufulltrúum
Borgarstjórn samþykkti einróma á fundi sínum þann 18. janúar framtíðarsýn í þjónustu við fatlað fólk í Reykjavík og bauð um leið fatlaða borgarbúa velkomna í þjónustu borgarinnar.
I desember síðastliðnum voru ný lög um málefni fatlaðs fólks samþykkt á alþingi auk þess sem nokkrar áhugaverðar reglugerðir litu dagsins ljós á síðasta degi gamla ársins. Hér má sjá tengla á lög og reglugerðir sem tengjast yfirfærslu málefna fatlaðra.
Velferðarsvið hefur gert samkomulag við Vinnumálastofnun um að Atvinna með stuðningi (AMS) verði á ábyrgð Vinnumálastofnunar árið 2011.
Umsóknir fara í gegnum AMS og þar fást allar upplýsingar um úrræðið. Símanúmerið þar er 5331370.
Sótt er um þjónustu við fatlað fólk á sérstöku umsóknareyðublaði sem er að finna á Rafrænu Reykjavík. Frekari upplýsingar um umsóknir finnurðu með því að opna fréttina.
Stella K. Víðisdóttir, sviðsstjóri Velferðarsviðs sendi póst í dag á alla starfsmenn Velferðarsviðs þar sem hún kynnir yfirfærslu málefna fatlaðra frá ríki til borgar, býður nýtt starfsfólk velkomið til starfa á Velferðarsviði og þakkar þeim sem hafa lag hönd á plóginn í undirbúningsferlinu. Í fréttinni má sjá póstinn frá sviðsstjóra.
Þann 1. janúar 2011 færðist þjónusta við fatlað fólk og lagalegar skyldur sem hafa verið á hendi Svæðisskrifstofa til sveitarfélaga. Reykjavíkurborg hefur þar með tekið yfir þjónustu og skyldur sem SSR hefur séð um fram til þessa.
Í dag var haldinn samráðsfundur vegna yfirfærslu málefna fatlaðra frá ríki til borgar þar sem farið var yfir stöðu mála.
Um leið og við þökkum ykkur samfylgdina hér á Gáttinni þetta árið viljum við óska ykkur gleðilegra jóla og farsældar á komandi ári.
Jólakveðjur,
Upplýsingagátt yfirfærslu málefna fatlaðra frá ríki til Reykjavíkurborgar.
Fimmtudaginn 9. desember var síðasta fræðsla haustsins vegna yfirfærslu málefna fatlaðra en þá kynntu fulltrúar hagsmunasamtaka starfsemi félaganna og helstu áherslur sínar.
Kári Auðar Svansson hefur verið ráðinn til að gegna hlutverki tengiliðar notenda vegna fyrirhugaðrar yfirfærslu málefna fatlaðra frá ríki til Reykjavíkurborgar.
Þessa dagana stendur starfsfólki á starfseiningum SSR sem flytjast til borgarinnar þann 1. janúar til boða að koma á heimsóknir á þjónustumiðstöðvar í hverfum borgarinnar þar sem Reykjavíkurborg sem vinnustaður er kynnt, starfsemi og stjórnskipulag Velferðarsviðs og viðkomandi þjónustumiðstöð.
Samkomulag milli ríkis og sveitarfélaga um yfirfærslu þjónustu við fatlað fólk frá ríki til sveitarfélaga var undirritað í dag. Sú þjónustu sem hefur skv. lögum nr. 59/1992 verið veitt á svæðisskrifstofum um landið verður færð til sveitarfélaga frá og með 1. janúar næstkomandi
Starfsmannaskrifstofa Fjármálaráðuneytis, Sambands íslenskra sveitafélaga og Félags-og tryggingamálaráðuneytis stóðu fyrir tveimur kynningarfundum dagana 16. nóvember og 18. nóvember fyrir starfsmenn SSR vegna yfirfærslunnar.
Vinna starfshópa vegna yfirfærslunnar er komin á fullt skrið og eru margar hendur sem vinna að því að yfirfærslan gangi snuðrulaust og sem best.
Haldnir verða kynningarfundir í næstu viku fyrir starfsfólk SSR til þess að kynna stöðu yfirfærslunnar, réttindi starfsmanna og nýjan vinnuveitanda, Reykjavíkurborg.
Fimmtudaginn 11.nóvember var haldið námskeið um sjálfstætt líf og notendastýrða persónulega aðstoð (NPA) fyrir starfsfólk Velferðarsviðs Reykjavíkurborgar og Svæðisskrifstofu málefna fatlaðra
FFA - fræðsla fyrir fatlaða og aðstandendur stendur fyrir fundarröð þar sem kynntur er flutningur á þjónustu við fatlaða frá ríki til sveitarfélaga um næstu áramót. Fundur fyrir íbúa Reykjavíkur og Seltjarnarness var haldinn í gær, 9. nóvember.
Gerð hefur verið úttekt á aðgengi að þjónustumiðstöðvum í hverfum Reykjavíkurborgar
Miðvikudaginn 26. október var haldið í Gerðubergi námskeiðið Fötlun: Nýr skilningur og nýjar áherslur sem var haldið í samstarfi við Námsbraut í fötlunarfræðum við Háskóla Íslands.
Á fundi borgarstjórnar þann 19. október voru lögð fram til umræðu drög að framtíðarsýn Reykjavíkurborgar í þjónustu við fatlað fólk. Samþykkt var að senda drögin í opið umsagnarferli.
Miðvikudaginn 13. október stóð Þroskaþjálfafélag Íslands fyrir upplýsingafundi vegna flutnings þjónustu við fatlað fólk frá ríki til sveitarfélaga um næstkomandi áramót.
Þeir sem hafa áhuga á því að fylgjast með undirbúningsvinnu í Reykjavík vegna yfirfærslunnar eru hvattir til þess að fylgjast með hér á Gáttinni.
Þroskahjálp stóð fyrir ráðstefnu laugardaginn 9. október í tengslum við árlegan fulltrúa fund sinn á Hallormsstöðum þar sem fjallað var um réttindagæslu í nærþjónustu.
Starfshópar hafa tekið til starfa vegna flutnings á þjónustu við fatlað fólk frá ríki til Reykjavíkurborgar. Vissulega er um þróunarverkefni til nokkurra ára að ræða en nauðsynlegt að hefja undirbúining sem fyrst.
Miðvikudaginn 6. október var forstöðumannafundur hjá Svæðisskrifstofu málefna fatlaðra í Reykjavík þar sem meðal annars var fjallað um tilfærslu þjónustu við fatlað fólk í Reykjavík.
Þann 22. september var haldið málþing um málefni fatlaðs fólks sem eru á tímamótum um þessar mundir
Gerð verður úttekt á aðgengi að þjónustumiðstöðvum í hverfum borgarinnar.
Fimmtudaginn 16. september var stór áfangi í undirbúningsvinnu vegna fyrirhugaðrar tilfærslu þjónustu við fatlaða frá ríki til Reykjavíkurborgar en þá var fyrsta námskeiðið haldið fyrir starfsmenn Velferðarsviðs og Svæðisskrifstofu málefna fatlaðra í Reykjavík.
dag opnar ný og aðgengilegri upplýsingagátt um yfirfærslu málefna fatlaðra frá ríki til Reykjavíkurborgar.
Helstu breytingar eru þær að nú er búið að hanna sérstaka síðu fyrir www.reykjavik.is/fatladir
Í sumar var sótt um styrk úr atvinnuátakssjóði til þess að ráða starfsmann til að viðhalda upplýsingagáttinni, setja inn fréttir og fundargerðir frá starfshópum.
Þann 8. júlí síðastliðinn samþykkti borgarráð að skipa stýrihóp til að fara með yfirumsjón með yfirfærslu á málefnum fatlaðra frá ríki til Reykjavíkurborgar.
Viðamesta breyting á verkaskiptingu ríkis og sveitarfélaga verður þann 1. janúar næstkomandi þegar þjónusta við fatlaða færist frá ríki til sveitarfélaga.
Hvað á Reykjavíkurborg að leggja áherslu á í þróun þjónustu við fatlað fólk í Reykjavík á næstu árum? Niðurstöður hugarflugsfundarins eru hér
Niðurstöður hugarflugsfundarins voru skýrar. Setja á mannréttindi á oddinn og taka mið af samningi Sameinuðu þjóðanna um réttindi fatlaðs fólks í þróun þjónustu við fatlað fólk.
Stjórn Þroskaþjálfafélags Íslands bauð Maríu, verkefnisstjóra yfirfærslunnar á stjórnarfund félagsins til þess að kynna undirbúningsvinnuna og stöðu mála mánudaginn 14. júní 2010.
Mánudaginn 7. júní 2010 var haldinn hugarflugsfundur um þróun þjónustu við fatlað fólk í Reykjavík á næstu árum. Þátttakendur voru kallaðir til víðs vegar að enda snýr þjónusta við fatlað fólk að mörgum sviðum samfélagsins. Hópurinn var spurður að því hverjar áherslur Reykjavíkurborgar eigi að vera í þróun þjónustu við fatlað fólk í kjölfar yfirfærslu málefna fatlaðra frá ríki til sveitarfélaga.
Stjórnendur Svæðisskrifstofu málefna fatlaðra í Reykjavík (SSR) buðu starfsmönnum Velferðarsviðs á kynningu á þjónustu og starfsemi SSR í gær, miðvikudag 2. júní. Meiri fréttir af fundinum...
Mánudaginn 7. júní nk. verður haldinn hugarflugsfundur um þróun þjónustu við fatlaða í Reykjavík þar sem lykilaðilar, það er starfsmenn ríkis og borgar sem og hagsmunasamtök, koma saman og ræða hverjar áherslur Reykjavíkurborgar í uppbyggingu þjónustu við fatlaða eiga að vera næstu árin í kjölfar yfirfærslu málefna fatlaðra frá ríki til borgar.
Kynning á þjónustu Svæðisskrifstofu málefna fatlaðra í Reykjavík miðvikudaginn 2. júní frá kl. 14-16. Enn er hægt að skrá sig!
Sjálfsbjörg landssamband fatlaðra bauð verkefnisstjóra yfirfærslunnar hjá Reykjavíkurborg að kynna undirbúning verkefnisins á árlegu þingi samtakanna laugardaginn 29. maí 2010.
Í gær kynnti María Rúnarsdóttir, verkefnastjóri yfirfærslunnar, undirbúningsvinnu vegna verkefnisins fyrir forstöðumönnum og stjórnendum SSR. Undirbúningur er að hefjast af fullum krafti og er mikilvægt að starfsmenn SSR taki virkan þátt í undirbúningnum.
Í tengslum við yfirfærslu málefna fatlaðra frá ríki til sveitarfélaga hafur sérstakt matstæki verið þýtt til þess að hægt sé að meta stuðningsþörf fatlaðra með hlutlægu matstæki, svokölluðu SIS mati (Support Intensity Scale).
Samkvæmt viljayflýsingu milli ríkisins og Sambands ísl. sveitarfélaga sem undirrituð var þann 13. mars 2009 er fyrirhugað að færa þjónustu við fatlaða sem nú er veitt af Svæðisskrifstofum málefna fatlaðra frá ríki til sveitarfélaga þann 1. janúar 2011. Undirbúningur er hafinn í Reykjavík til að hrinda verkefninu úr vör sendi Stella K. Víðisdóttir, sviðsstjóri Velferðarsviðs öllum starfsmönnum sviðsins tölvupóst til upplýsingar um verkefnið.
Í dag opnar upplýsingagátt Reykjavíkurborgar vegna yfirfærslu þjónustu við fatlaða frá ríki til Reykjavíkurborgar sem fyrirhuguð er þann 1. janúar 2011. Á upplýsingagáttinni verður að finna upplýsingar um verkefnið og stöðu mála hverju sinni.