Hugarflugsfundur um þróun þjónustu við fatlað fólk í Reykjavík
01.06.2010
Upplestur á frétt 
Mánudaginn 7. júní nk. verður haldinn hugarflugsfundur um þróun þjónustu við fatlaða í Reykjavík þar sem lykilaðilar, það er starfsmenn ríkis og borgar sem og hagsmunasamtök, koma saman og ræða hverjar áherslur Reykjavíkurborgar í uppbyggingu þjónustu við fatlaða eiga að vera næstu árin í kjölfar yfirfærslu málefna fatlaðra frá ríki til borgar.
Hverjir: Um 70 fulltrúum frá hagsmunasamtökum, Svæðisskrifstofu málefna fatlaðra í Reykjavík, þjónustumiðstöðvum borgarinnar og öðrum sviðum Reykjavíkurborgar er boðið til fundarins. Staðfesting á þátttöku fer fram þessa dagana og er útlit fyrir að allir þeir sem boðaðir voru á fundinn sendi fulltrúa sína.
Hvar: Fundurinn verður haldinn á Grand Hótel Reykjavík frá kl. 9-12.
Hvernig: Unnið verður í opnu hugarflugi þar sem fundarmenn setja áherslur í þróun þjónustu við fatlað fólk til næstu ára.
Hvað svo: Niðurstöður fundarins verða birtar á upplýsingagáttinni sem allra fyrst og verða hafðar til hliðsjónar við stofnun starfshópa á haustmánuðum um þróun þjónustu við fatlað fólk.