Virknisetur á Hlíðarenda

20.03.2009

Upplestur á frétt 

• 1

• Senda
• Prenta
• Senda á Facebook

VIRKNISETUR Á HLÍÐARENDA

VALUR OPNAR MANNVIRKI SÍN FYRIR ALMENNINGI

Mánudaginn 16. mars opnaði svokallað Virknisetur á Hlíðarenda, þar sem almenningi verður boðið að nýta aðstöðuna á Hlíðarenda og í nágrenni hans sér til heilsubótar og algjörlega að kostnaðarlausu. Virknisetrið á sér m.a. fyrirmynd í vel heppnuðu verkefni  „Hreyfingu og útivist”, sem  Jónatan Magnússon hefur stýrt á Akureyri.  Sérstök áhersla verður lögð á að allir geti fundið eitthvað við sitt hæfi og hagað sínum æfingum eftir eigin þörfum, áhuga, aldri, líkamlegu atgervi o.s.frv. Markmiðið er að hvetja fólk til heilbrigðs lífernis í einni bestu íþróttaaðstöðu landsins.

Boðið verður upp á aðgang að líkamsrækt frá kl. 9 fyrir hádegi með áherslu á hlaup, göngu og lyftingar, undir handleiðslu leiðbeinanda. Eftir hádegi verður boðið upp á stöðvaþjálfun og körfubolta/fótbolta í íþróttasal, auk þess sem fyrirlestrar um hin ýmsu málefni verða kl. 12 á þriðjudögum og fimmtudögum. Nánari upplýsingar eru í meðfylgjandi stundatöflu. Komið verður af stað gönguhóp í tengslum við verkefnið, en svæðið í kringum Hlíðarenda er sérstaklega vel fallið til almennrar útivistar, þá sérstaklega Öskjuhlíðin.

Verkefnisstjóri Virknisetursins er Hallur Kristján Ásgeirsson, þjálfari hjá Val, en hann er menntaður einkaþjálfari. Auk hans mun Robert Newson, sem er með B.S. gráðu í íþróttafræðum, vera þátttakendum innan handar í boltagreinum.

Meðal fyrirlesara verða þjálfarar og leikmenn frá Val, framhaldsnemar frá HÍ, sálfræðingar o.fl. Í fyrstu viku verkefnisins mun Þorgrímur Þráinsson fjalla um „lífið og tilveruna“ og Hafrún Kristjánsdóttir um markmiðssetningu. Síðar mun Óskar Bjarni Óskarsson fjalla um „leiðina að silfrinu“ og fleiri spennandi fyrirlesarar kíkja í heimsókn.

Allar upplýsingar um Virknisetrið verða aðgengilegar á heimasíðu félagsins, www.valur.is . Auk þess hefur verið stofnaður hópur á Snjáldurskjóðunni, en hópurinn ber nafnið „Virknisetur á Hlíðarenda“.

Ef frekari upplýsinga er óskað veita eftirfarandi aðilar skýr og greið svör við öllum fyrirspurnum:

Hallur Kristján Ásgeirsson, verkefnisstjóri Virkniseturs                    GSM: 848-8842 

Stefán Karlsson, framkvæmdastjóri Vals                                             GSM: 822-7910

Hafrún Kristjánsdóttir, sérlegur ráðgjafi                                              GSM: 894-1713

Dagskrá Virkniseturs á Hlíðarenda