Fasteignagjöld 2012 í Rafrænni Reykjavík
06.01.2012
Upplestur á frétt 
Fasteignagjöld í Reykjavík verða innheimt í heimabönkum. Fasteignaeigendum er jafnframt bent á beingreiðslur hjá öllum
bankastofnunum eða boðgreiðslur af greiðslukortum.
Í Rafrænni Reykjavík geta fasteignaeigendur:
• skoðað álagningarseðil fasteignagjalda fyrir árið 2012 (eftir 23. jan. nk.) og alla breytingaseðla þar á eftir
• afpantað álagningarseðla og breytingaseðla með pósti
• skráð sig í boðgreiðslu fasteignagjalda
• valið einn eða níu gjalddaga fasteignagjalda til 18. janúar 2012
• gefið upp reikningsnúmer ef til endurgreiðslu kemur
• óskað eftir að fá senda greiðsluseðla fyrir fasteignagjöldum þar sem þeir verða, líkt og áður, ekki sendir út til greiðenda, 18-69 ára
Skráðu þig inn í Rafræna Reykjavík.
Nánari upplýsingar og aðstoð má fá með því að senda fyrirspurn á netfangið fasteignagjold@reykjavik.is eða í síma 411 1111.