Læsisstefna fyrir leikskóla
19.01.2012
Upplestur á frétt 
Starfshópi verður falið að móta læsisstefnu fyrir leikskóla borgarinnar. Þetta var samþykkt á fundi skóla- og frístundaráðs 18. janúar. Læsisstefna verður mótuð í ljósi aðalnámskrár leikskóla og verða skilgreindar áherslur í málörvun, ritmáli, tjáningu og leik en það eru þættir sem leggja grunn að hæfni barna í lestri síðar meir. Það var þórunn Gyða Björnsdóttir, fulltrúi leikskólastjóra í ráðinu, sem lagði fram tillöguna sem samþykkt var einróma.