Fegrunarviðurkenningar Reykjavíkurborgar
Ár hvert, í tengslum við afmæli Reykjavíkurborgar þann 18. ágúst, eru veittar viðurkenningar fyrir vandaðar endurbætur á eldri húsum og fyrir lóðir þjónustu-, stofnana- og fjölbýlishúsa sem þykja til fyrirmyndar. Auk þess eru veittar viðurkenningar fyrir „sumargötur“, þ.e. svæði fyrir framan verslanir og þjónustu sem eru skemmtilega útfærð yfir sumartímann.
Fegrunarnefnd
Fegrunarnefnd Reykjavíkurborgar var skipuð í maí árið 1968. Eftirtalin félagssamtök áttu fulltrúa í nefndinni: Arkitektafélag Íslands, Húsmæðrafélag Reykjavíkur, Garðyrkjufélag Íslands og Húseigendafélag Reykjavíkur. Af hálfu borgarinnar voru skipaðir í fegrunarnefnd þeir Hafliði Jónsson, þáverandi garðyrkjustjóri í Reykjavík, Gísli B. Björnsson, grafískur hönnuður og Gunnar Helgason, borgarfulltrúi sem var hvatamaður að stofnun fegrunarnefndar.
Á afmæli Reykjavíkurborgar þann 18. ágúst árið 1968 valdi Fegrunarnefndin í fyrsta sinn fegurstu götu Reykjavíkurborgar og varð Safamýri fyrir valinu. Margar fleiri götur í Reykjavík þóttu til sóma fyrir útlit borgarinnar t.d. Einimelur, Hvassaleiti, Kleifarvegur og Sporðagrunnur.
Árlega uppfrá því hafa fegrunarviðurkenningar verið afhentar fyrir falleg hús og lóðir í Reykjavík á afmæli Reykjavíkurborgar í tengslum við afmælið.
Sendu inn hugmynd eða ábendingu
Óskað er eftir ábendingum um hús og lóðir sem verðskulda fegrunarviðurkenningu í ár.
Valið verður í höndum vinnuhóps sem skipaður er fulltrúum frá umhverfis- og skipulagssviði og Borgarsögusafni.
Hugmyndir skulu sendar inn með tölvupósti merktum Fegrunarviðurkenningar 2023 á skipulag@reykjavik.is í síðasta lagi þann 20. júlí 2023.
Tengdar fréttir
-
-
-
-
-
-
-
-
-
-
-
