Skráning í starf hjá ÍTR
SKRÁNING Í SUMARFRÍSTUND, SMIÐJUR, SMÍÐAVELLI, SIGLUNES OG FJÖLSKYLDU- OG HÚSDÝRAGARÐINN
Hægt verður að skrá þátttakendur í gegnum Rafræna Reykjavík frá og með 2. maí.
SKRÁNING Í SUMARFRÍSTUND:
Sumarfrístund er heiti yfir frístundaheimilin sem eru með sumarstarf (fyrir börn fædd 2001-2004) og sumarstarf frístundaklúbbanna og félagsmiðstöðvarinnar Öskju. Vinsamlega athugið að skráningunni lýkur kl. 12.00 á föstudögum, eigi barn að geta byrjað á mánudeginum á eftir. Ef hætt er við þátttöku án þess að tilkynnt hafi verið um forföll með formlegum hætti til ÍTR á miðvikudegi fyrir upphaf dvalar, þá mun gjald verða innheimt að fullu.
SKRÁNING Í ANNAÐ SUMARSTARF ÍTR:
Annað sumarstarf ÍTR eru smiðjur fyrir 10-12 ára börn (fædd 1998-2000), smíðavellir fyrir 8-12 ára (fædd 1998-2002) siglinganámskeið í Siglunesi og dýranámskeið í Húsdýragarðinum. Skráning er í allar smiðjur og viðburði vegna takmörkunar á hópastærð. Skráning á smiðjurnar og smíðavelli er óafturkræf.
FÉLAGSMIÐSTÖÐVASTARF FYRIR UNGLINGA FÆDDA 1995 - 1997
13 - 16 ára unglingar geta komið í félagsmiðstöðvarnar á auglýstum opnunartímum án þess að skrá sig.
Athugið að ekki er hægt að nýta frístundakortið í sumarstarf á vegum ÍTR.
Ef foreldrar geta ekki nýtt sér rafræna innritun geta þeir farið í frístundamiðstöðvar ÍTR (helst fyrir hádegi) og í þjónustumiðstöðvar hverfanna og fengið aðstoð með skráningu. Ekki er hægt að skrá börn á sumarnámskeið í gegnum síma. Starfsfólk þjónustumiðstöðva, frístundamiðstöðva og Símavers Reykjavíkurborgar (s. 411 1111) geta þó leiðbeint símleiðis ef forráðamenn eru við nettengda tölvu.
SKRÁNING Í ANNAÐ SUMARSTARF
Upplýsingar um skráningu í annað sumarstarf en hjá ÍTR er að finna á upplýsingasíðum hvers sumarstarfstilboðs fyrir sig.