Sumarfrístund fyrir börn með fötlun fædd ´95-´00
Frístundaklúbburinn Hofið býður upp á sumarfrístund fyrir börn og unglinga með fötlun á aldrinum 10–16 ára. Sumarfrístund í Hofinu stendur yfir 7. júní - 8. júlí og 2. ágúst - 19. ágúst.
Frístundaklúbburinn Hofið er staðsettur í Sólheimum 35 í austurbæ Reykjavíkur og þjónustar börn og unglinga sem ganga í almenna grunnskóla vestan Elliðaáa.
Mikið er lagt upp úr lýðræði þegar kemur að vali á tómstundum þar sem ungmennin eru hvött til að láta í ljós skoðanir sínar og áhugamál. Styrkleikar hvers og eins eru látnir njóta sín og ungmennin efld varðandi sjálfsákvarðanir.
Tilgangur frístundaklúbbsins er að sporna við félagslegri einangrun fatlaðra barna og ungmenna sem hafa oft á tíðum ekki sömu tækifæri og ófatlaðir til tómstundaiðkana og félagslífs á eigin forsendum.
Klúbburinn hefur góða aðstöðu innanhúss fyrir ýmsa tómstundaiðkun eins og að spila, lesa, lita, mála, horfa á sjónvarp nú eða slaka á og spjalla í kósý herberginu. Boðið er upp á útiveru eins oft og kostur er sem og styttri og lengri vettvangsferðir.
Frístundaklúbbarnir eru fyrir ungmenni með fötlun (í umönnunarflokkum 1-3 skv. skilgreiningu Tryggingastofnunar) í almennum grunnskólum fædd 1995-2000.
Sumardagskráin verður fjölbreytt og aldursmiðuð með áherslu á áhugasvið hvers og eins. Allir frístundaklúbbarnir verða í nánu samstarfi í sumar.
Frístundaklúbbarnir eru í samstarfi við Vinnuskólann. Ekki verður um hefðbundin vinnuskólastörf að ræða heldur verða unglingarnir skilgreindir sem vinnuskólaliðar og fá greidd laun fyrir þátttöku í sumarfrístund. Þátttökugjöld vegna sumarfrístundar verða felld niður sem hér segir:
9. bekkur – 3 vikur
10. bekkur – 3 vikur
Jafnframt þarf að skrá unglingana í vinnuskólann á www.vinnuskoli.is
Frístundaklúbburinn Hofið er opin frá kl. 8.00–17.00. Miðað er við að börnin séu í virkri dagskrá frá kl. 9.00–16.00. Hægt er að velja um mismunandi dvalartíma:
kl. 8.00–16.00 kl. 9.00–16.00 kl. 9.00–17.00 kl. 8.00–17.00
Grunngjald fyrir eina viku í sumarfrístund kl. 9.00-16.00 er kr. 6.670. Þar sem hægt er að velja um mislangan vistunartíma er verð fyrir viðbótarstund frá kl. 8.00-9.00 að morgni eða kl.16.00-17.00 kr. 1.940.
Skráning hefst 2. maí á Rafrænni Reykjavík.
Frístundaklúbburinn Hofið, Sólheimum 35, 664-7774, kristjana.jokumsen@reykjavik.is