Skátafélagið Árbúar

Hraunbæ 123

110 Reykjavík

586 1911

arbuar@skatar.is

http://arbuar.123.is/

Útilífsskóli fyrir 8-12 ára

Árbær, Norðlingaholt, Selás og Ártún.

Skátafélagið Árbúar hefur síðustu ár boðið upp á útilífsnámskeið yfir sumartímann. Námskeiðin byggja mikilli útiveru og meðal viðfangsefna eru sund, stangveiði, náttúruskoðun, klifur, sig, rötun, útieldun, skátaleikir og fleira. Um er að ræða tveggja vikna námskeið með helgarfríi. Í lok seinni vikunnar er einnar nátta útilega. Einnig er hægt er að skrá sig á bara aðra vikuna. Önnur er án útilegu en hin með útilegu.

Nauðsynlegt er að þátttakendur mæti klæddir eftir veðri og með nesti fyrir daginn. Þá daga sem námskeiðin eru haldin innanbæjar stendur dagskráin yfir frá kl. 9.00 til 16.00. Farið er í útileguna kl. 10.00 á fimmtudegi og komið til baka kl. 16.00 á föstudegi. Þátttakendur fá sendan með sér ítarlegan bækling um tilhögun námskeiðsins og útilegunnar í upphafi námskeiðs.

Námskeiðin eru ætluð börnum á aldrinum 8 til 12 ára fædd 1999 til 2003.

Útilífsnámskeið Skátaheimili Árbúa, Hraunbæ 123
Í sumar eru eftirfarandi námskeið í boði
Námskeið 1,   06. júní - 10. júní og 14. júní - 16. júní* útilega.
Námskeið 2,   20. júní - 24. júlí og 27. júní - 1. júlí, útilega.
Námskeið 3,   04. júlí - 08. júlí og  11. júlí - 15. júlí útilega.
Námskeið 4,   18. júli - 22. júlí
Námskeið 5,   15. ágúst - 19. ágúst, útileiga

*(Þriggja daga vika án útilegu)

Systkinaafsláttur er 20% frá verði og er endurgreiddur við mætingu. Innifalið í verði er öll dagskrá, rútukostnaður, sundferðir og gisting. Þá fá allir þátttakendur viðurkenningu í lok námskeiðs. Þátttökugjöld skal greiða eigi síðar en á fyrsta degi námskeiðs. Tekið er á móti debet og kreditkortum.