Þjóðaratkvæðagreiðsla 2026

Teiknuð mynd af konu að setja atkvæði í kjörkassa.

Laugardaginn 29. ágúst 2026 fer fram þjóðaratkvæðagreiðsla um aðildarviðræður við Evrópusambandið. Kjörstaðir í Reykjavík eru opnir kl. 9:00–22:00.

Ef þú hefur áhuga á að vinna í kosningunum geturðu sótt um með því að skrá þig á lista. Haft verður samband við þig ef við getum boðið þér vinnu. Skilyrði fyrir þátttöku eru að hafa náð 18 ára aldri á kjördag, eiga lögheimili í Reykjavík og geta talað og skilið íslensku.

Kjörstaðir í Reykjavík eru 25 talsins og skiptast í Reykjavíkurkjördæmi norður og Reykjavíkurkjördæmi suður. 

27. júlí hófst atkvæðagreiðsla utan kjörfundar á vegum sýslumanna. Sýslumaðurinn á höfuðborgarsvæðinu heldur atkvæðagreiðslu í Hlíðasmára 1, Kópavogi. Utankjörfundaratkvæðum fólks sem er á kjörskrá í Reykjavíkurkjördæmum má koma til skila í afgreiðsluna í Ráðhúsi Reykjavíkur og Borgartúni 12–14.

Talning fer fram fyrir opnum tjöldum í Laugardalshöllinni. Talning hefst kl. 22 og henni verður streymt á vef borgarinnar.

Hægt er að fletta upp í kjörskrá eftir kennitölu á vef Þjóðskrár og eftir heimilisfangi hér fyrir neðan.

Sláðu inn lögheimili þitt til að sjá hvar þinn kjörstaður er.

Gott að vita

Hvað eru margir kjörstaðir?

Við þjóðaratkvæðagreiðslu 2026 eru 25 kjörstaðir í Reykjavík.

  • Álftamýrarskóli
  • Árbæjarskóli
  • Borgarbókasafnið Kringlunni
  • Borgaskóli
  • Breiðagerðisskóli
  • Breiðholtsskóli
  • Dalskóli
  • Fjölbrautaskólinn í Breiðholti
  • Foldaskóli
  • Fossvogsskóli
  • Frostaskjól (KR heimilið)
  • Hagaskóli
  • Hlíðaskóli
  • Höfðatorg
  • Ingunnarskóli norður
  • Ingunnarskóli suður
  • Kjarvalsstaðir
  • Klébergsskóli
  • Laugalækjarskóli
  • Norðlingaskóli
  • Ráðhús Reykjavíkur
  • Rimaskóli
  • Seljaskóli
  • Vesturbæjarskóli
  • Vogaskóli
     

Er ég á kjörskrá í Reykjavík?

Ef þú ert ekki viss um hvort þú ert á kjörskrá í Reykjavík getur þú flett upp í kjörskrárstofni á vef Þjóðskrár frá og með 24. júlí næstkomandi.

Eru allir kjörstaðir aðgengilegir?

Allir kjörstaðir í Reykjavík eru aðgengilegir. Kjósendur geta óskað eftir vasa með blindraletri utan um kjörseðilinn sinn. 

Þarf ég að koma með skilríki?

Kjósendur gera grein fyrir sér á kjörstað með því að framvísa skilríkjum. Greiðslukort og skilríki með mynd og kennitölu teljast fullgild. Þá er einnig hægt að skrá sig inn á Ísland.is. Ef þú kemur á kjörstað án þess að hafa skilríki meðferðis geturðu alltaf leitað til hverfiskjörstjórnar og fengið aðstoð við að láta sannreyna hver þú ert. 

Hvar er kosið utan kjörfundar á Íslandi?

Atkvæðagreiðsla utan kjörfundar hjá sýslumönnum vegna þjóðaratkvæðagreiðslu 2026 hefst 27. júlí.

Kosning á höfuðborgarsvæðinu fer fram hjá Sýslumanni höfuðborgarsvæðisins í Hlíðasmára 1, Kópavogi.

Hvar er kosið utan kjörfundar erlendis?

Kjósendur þurfa að hafa samband við sendiráð eða ræðismann í viðkomandi landi til að vita hvar og hvenær er hægt að kjósa.

Ef þú ert í vafa um hvar og hvernig eigi að kjósa erlendis er best að hafa samband við borgaraþjónustu utanríkisráðuneytisins í gegnum hjalp@utn.is eða í síma +354 5459900.

Get ég fylgst með talningunni?

Talning hefst kl. 22:00 að kvöldi kjördags og er öllum opin. Hún fer fram í Laugardalshöll. Streymt verður frá talningunni á vef Reykjavíkurborgar.

Framlögð kjörskrá og aðsetur yfirkjörstjórnar

Uppfletting í kjörskrá verður aðgengileg á vef Þjóðskrár frá 24. júlí og mun kjörskráin liggja fyrir í afgreiðslu Ráðhúss Reykjavíkur frá 30. júlí.

Aðsetur yfirkjörstjórnar Reykjavíkur verður í Ráðhúsi Reykjavíkur á kjörfundi og aðsetur yfirkjörstjórna Reykjavíkurkjördæma norður og suður verður í Laugardalshöll á meðan á talningu stendur.

Hver eru í yfirkjörstjórn Reykjavíkur?

Í yfirkjörstjórn Reykjavíkur eru

  • Ari Karlsson
  • Jarþrúður Ásmundsdóttir
  • Eva B. Helgadóttir

Varafulltrúar

  • Katrín Helga Hallgrímsdóttir
  • Laufey María Jóhannsdóttir
  • Tómas Hrafn Sveinsson

Áheyrnarfulltrúar

  • Katrín Pétursdóttir
  • Svandís Svavarsdóttir

Áheyrnarfulltrúar til vara

  • Sonja Ólafsdóttir
  • Sara Stef Hildardóttir

Netfang yfirkjörstjórnarinnar er kosningar@reykjavik.is

Tengdar fréttir

Þarftu frekari upplýsingar eða aðstoð?

Allar upplýsingar varðandi kosningar í Reykjavíkurborg eru veittar í síma 411 4700 og á netfanginu kosningar@reykjavik.is 
 

Þjónustuver borgarinnar svarar almennum fyrirspurnum í síma 411 1111, á netspjalli og í gegnum netfangið upplysingar@reykjavik.is