Nóaborg

Leikskóli

Stangarholt 11
105 Reykjavík

411 6890

Um leikskólann

Opnunartími er frá 7:45 til 16:30

Leikskólinn Nóaborg er fjögurra deilda leikskóli sem var tekinn í notkun í desember 1986. Að jafnaði dvelja um 74 börn samtímis í leikskólanum. Deildirnar fyrir yngri börnin heita Spóaholt og Lóuholt og Krummaholt og Kríuholt eru fyrir þau eldri. Leikskólinn er staðsettur á mörkum Miðborgar og Hlíðahverfis, rétt fyrir ofan Hlemm og því auðvelt að ferðast í allar áttir hvort sem notaðir eru tveir jafnfljótir eða strætisvagnar. 

Leikskólastjóri er Anna Margrét Ólafsdóttir

Hugmyndafræði

Leikskólinn Nóaborg vinnur eftir Menntastefnu Reykjavíkurborgar og Aðalnámskrá leikskóla. Í leikskólanum er leikið með læsi og stærðfræði auk þess sem lögð er áhersla á félagsfærni barna. Unnið er með hljóðkerfisvitund barnanna með námsefni Lubba. Leikskólinn tekur, um þessar mundir, þátt í tveggja ára Nordplus verkefni um hreyfingu leikskólabarna ásamt þátttakendum frá Svíþjóð, Færeyjum, Lettlandi og Litháen. Hreyfidagar hafa fest sig í sessi á leikskólanum yfir vetrarmánuðina, bæði inni og úti, og hefur dögunum fjölgað í tengslum við verkefnið og eru nú nokkrir í hverjum mánuði.  

Verkefnastjóri í listsköpun hefur umsjón með vikulegum listakróki fyrir öll börn leikskólans þar sem fjölbreytt listsköpun fer fram. Nóaborg er handhafi Regnbogavottunar Reykjavíkurborgar.

Meira um hugmyndafræðina í skólanámskrá Nóaborgar Meira um Lubba
Teikning af konu að kasta hlutum eins og sirkúslistamaður.

Leikskólastarf

Skólanámskrá

Ný skólanámskrá er í vinnslu.

Viltu vita meira um hugmyndafræði og daglegt starf Nóaborgar? Í skólanámskrá Nóaborgar finnur þú ítarlegar upplýsingar um hugmyndafræðilegar áherslur og stefnu skólans í leik, námi og starfi. 

Starfsáætlun

Hvað er framundan á Nóaborg? Í starfsáætlun finnur þú meðal annars innra og ytra mat leikskólans fyrir síðasta ár, umbótaáætlun, leikskóladagatal og ótalmargt fleira. Á tímabilinu júní til desember er starfsáætlun birt með fyrirvara um samþykkt skóla- og frístundaráðs.

Leikskóladagatal

Hvenær eru starfsdagar á Nóaborg? Í skóladagatali finnur þú upplýsingar um frídaga í leikskólanum og ýmislegt fleira.

Foreldrasamstarf

Við erum öll í þessu saman, enda er oft sagt að það þurfi heilt þorp til að ala upp barn. Í leikskólum borgarinnar er markvisst unnið að því að auka samráð við foreldra og styrkja aðkomu þeirra að leikskólastarfi.

 

Foreldrafélag og foreldraráð eru starfrækt í öllum leikskólum Reykjavíkurborgar. 

Meira um foreldrastarf í leikskólum Meira um aðlögun
Listaverk eftir börn á Nóaborg

Stoðþjónusta

Hjá Reykjavíkurborg starfar hópur fagaðila sem sinnir skólaþjónustu við leik- og grunnskóla, daggæslu- og frístundaráðgjöf og velferðarþjónustu auk annarrar sérhæfðrar ráðgjafar og þjónustu sem þarf til að öll börn geti tekið virkan þátt í skóla- og frístundastarfi Reykjavíkurborgar og látið drauma sína rætast.    

Farsæld barna

Ný lög um samþætta þjónustu í þágu farsældar barna hafa tekið gildi. Markmiðið er að tryggja að börn og forsjáraðilar fái rétta aðstoð, á réttum tíma, frá réttum aðilum. 

Fjölskyldum og börnum sem þurfa snemmtækan stuðning er tryggður aðgangur að tengilið farsældar í nærumhverfi barnsins, svo sem í leikskóla eða grunnskóla. Tengiliður farsældar veitir upplýsingar og leiðbeiningar um þjónustu og stuðlar að því að börn og forsjáraðilar hafi aðgang að þjónustu án hindrana. 

Til að óska eftir samþættri þjónustu geta börn, ungmenni og forsjáraðilar haft samband við tengilið farsældar.

Tengiliður Nóaborgar er: Ragnheiður Sigurbjörnsdóttir